TVP: Беларускія спецслужбы праводзяць дыверсіі на мяжы з Польшчай
6- 4.12.2021, 18:50
- 17,756
Польскія памежнікі паведамілі пра незвычайныя дзеянні сілавікоў з боку Беларусі.
Беларускія спецслужбы праводзяць на мяжы з Польшчай дыверсійныя дзеянні. У наваколлях Міхалова яны неаднаразова знішчалі загароды, якія знаходзяцца ў памежнай паласе. Пра гэта паведаміла ў суботу прэсавая сакратарка Памежнай службы Польшчы Ганна Міхальска, падае TVP.
На адрэзку, які ахоўваўся супрацоўнікамі памежнай службы Польшчы ў Міхалаве, у пятніцу з 17:00 беларускія спецслужбы падыходзілі і рэзалі дрот. Калі польскія памежнікі чынілі агароджу, яны былі аслепленыя беларускімі сілавікамі лазерамі і страбаскапічнымі агнямі.
Wczoraj tj.03.12 służby🇧🇾kilkukrotnie uszkadzały concertinę na odcinkach gr.ochranianych przez placówki SG w Michałowie i w Czeremsze.Podczas jej naprawiania służby🇵🇱były oślepiane laserami.Ok. godz.18.00 #funkcjonariuszeSG z PSG w Czeremsze zatrzymali przy granicy 40 imigrantów. pic.twitter.com/DIV449MGwy
— Straż Graniczna (@Straz_Graniczna) December 4, 2021
Такія дзеянні паўтараліся шэсць разоў цягам некалькіх гадзін.
- Мы не заўважылі мігрантаў, якія павінны былі прайсці праз пашкоджаную агароджу на польскую тэрыторыю. Гэта былі дыверсійныя дзеянні з боку Беларусі, - сказала Міхальска ў гутарцы з польскім інфармацыйным агенцтвам.
А на адрэзку пад Чарэмхай на польскі бок перайшлі 40 замежнікаў. Раней была перарэзаная загарода з калючага дроту. - «Нелегальныя мігранты, аднак, былі затрыманыя польскімі службамі і вернутыя да памежнай лініі», - запэўніла прэс-сакратарка.
За мінулы дзень адбыліся 62 спробы незаконнага пераходу беларуска-польскай мяжы.