Данія ўзначаліла сусветны рэйтынг эфектыўнасці барацьбы са зменай клімату

Краіна паказала найлепш вынікі ва ўкараненні аднаўляльных крыніц энэргіі

Данія ўзначаліла сусветны рэйтынг эфектыўнасці барацьбы са зменай клімату CCPI. Краіна паказала найлепш вынік у зніжэнні аб'ёмаў выкідаў парніковых газаў, укараненню аднаўляльных крыніц энэргіі і экалагічнай палітыцы, піша «Евро пульс».

Усяго CCPI ацэньвае эфектыўнасць 60 краін паводле 4 катэгорый: аб'ём выкідаў парніковых газаў, выкарыстанне аднаўляльных крыніц энэргіі, выкарыстанне энэргіі (рацыянальнасць энэргаспажывання) і кліматычная палітыка. Пасля гэтага краіны ранжыруюцца паводле шкалы ад "вельмі высокага" да "вельмі нізкага".

CCPI тлумачыць, што ніводная краіна цяпер не дэманструе дастаткова высокіх паказчыкаў ва ўсіх 4 катэгорыях, каб атрымаць «вельмі высокі» бал. З гэтай прычыны 1, 2 і 3 месцы ў рэйтынгу засталіся пустымі.

Данія заняла чацвёртае месца, дамогшыся высокіх балаў у 3 з 4 катэгорый, і, такім чынам, самае высокае - у CCPI.

З краін ЕЗ у групу краін з высокім укладам у барацьбу са зменамі клімату таксама ўвайшлі Швэцыя, Літва, Мальта, Нямеччына, Фінляндыя, Партугалія, Францыя і Люксембург; усяго там 14 краін. Расея сёлета была на 56 пазіцыі рэйтынгу.

Рэйтынг эфектыўнасці барацьбы са змяненнем клімату CCPI - паказчык, які штогод складаецца з 2005 года нямецкай экалагічнай арганізацыяй Germanwatch.