Што беларусы здаюць і купляюць у ламбардах?
7- 4.12.2021, 21:55
- 33,364
Наведалі чатыры ламбарды Менска.
Ад якіх рэчаў ахвочыя былі пазбавіцца беларусы, каб развязаць фінансавыя праблемы, і якія з іх цяпер можна выгадна купіць? Myfin.by прайшоўся па менскіх ламбардах і даведаўся пра цану швайцарскага гадзінніка, слухавак і нават мясакруткі.
Ламбардаў на картах Менска - больш за 15, журналісты наведалі 4.
«Швайцарскі гадзіннік і за 990, і за 169 рублёў»
У ламбардзе «Масьтар» на 3 паверсе ГУМ людзей не было, але выбар вялікі – 4 палічкі са слухаўкамі, тэлефонамі, швайцарскімі ды электроннымі гадзіннікамі.
Ламбард прымае і ювелірныя вырабы, але ўсе ўпрыгожанні з каштоўных металаў, па якія працяглы час ніхто не вяртаецца, здае ў дзяржаўнае сховішча.
Цана прадаваных пазіцый вельмі розная:
- Швайцарскі гадзіннік Candino – 169 рублёў (для параўнання, цана такой мадэлі ў беларускіх інтэрнэт-крамах пачынаецца ад 460 рублёў)
- Швайцарскі гадзіннік Baume & Mercier Classima - 990 рублёў
- Ружовыя электронныя гадзіннікі з сэнсарным дысплеем - 60 рублёў
- Слухаўкі AirPods Pro - 80 рублёў
- Мабільны тэлефон ZTE - 25 рублёў
"Ёсць практычна ўсё, нават радыёстанцыі, аэрагрыль і паветранадзімалка"
У «Еўраламбардзе» асартымент выявіўся разнастайным. Будаўнічыя прылады, машынка для манікюру, вазкі, канькі, радыёстанцыі... Наведнікаў таксама больш, чым у іншых месцах. Часцей за ўсё людзі тут купляюць менавіта тэхніку - растлумачылі.
Цэны ў гэтым ламбардзе могуць быць і ніжэйшыя за крамныя ў 2-3 разы, і цалкам адпавядаць ім. Усё залежыць ад таго, у якім стане паступіла рэч.
Вось некалькі прыкладаў:
- Машынка для манікюру - 49 рублёў (у інтэрнэт-краме цана такая ж).
- Швайцарскі гадзіннік каштуе ад 89 да 819 рублёў
- Фотаапарат Sony Alpha SLT - 449 рублёў
- Мясакрутка Moulinex - 129 рублёў
- Мультыварка Polaris - 89 рублёў (у інтэрнэт-краме яе прадаюць за 152 рублі)
- Аэрагрыль First FF 5803 - 49 рублёў
"Прымаем, але гэта не значыць, што прадаём"
«Сапраўдны ламбард» прымае ювелірныя ўпрыгожанні, швайцарскія гадзіннікі ды тэхніку. Але прымае - не значыць прадае. У памяшканні ёсць вялікі стэлаж з рэчамі, якія пакінутыя на захоўванне, але купіць іх нельга, - тлумачаць.
Дарэчы, гэты ламбард супрацоўнічае з іншым ламбардам, які знаходзіцца на адрасе Ленінградская 5. Работнікі апошняга прыносяць сюды рэчы, бо месца для вітрын у іх мала. Таму, калі вы хочаце нешта купіць на Ленінградскай, то там вас чакаюць толькі ровары, - тлумачаць.
У ламбардзе "Ордан" прымаюць золата, срэбра, гадзіннікі ды будаўнічую тэхніку. На паліцах выбар невялікі - некалькі гадзіннікаў, ачышчальнік паветра, бяздротавыя слухаўкі. Прадстаўнік ламбарда тлумачыць, што слухаўкі прымаюцца толькі новымі - пытанне гігіены.
Залатых ці срэбных упрыгожанняў не відаць. Калі гаспадары іх не выкупляюць, то яны таксама ідуць на ператопку і затым у дзяржаўнае сховішча для папаўнення залатога рэзэрву краіны, - тлумачаць нам.
Цэны тут крыху ніжэйшыя, чым у іншых ламбардах. Напрыклад:
- Швайцарскі гадзіннік Claude Bernard - 250 рублёў (самы дарагі ў гэтым ламбардзе)
- Швайцарскі гадзіннік Tissot - 170 рублёў
- Амерыканскія гадзіннік Armitron - 70 рублёў
- Ачышчальнік паветра Polaris - 35 рублёў
- Шрубакрут, «балгаркі» ды перфаратары - ад 30 да 200 рублёў.