Bild: Еўропа аддала «Залаты мяч» Роберту Левандоўскаму
7- 5.12.2021, 14:11
- 7,074
Польскі футбаліст выперадзіў Мэсі і паводле вынікаў галасавання ў Афрыцы.
Стала вядома, як галасавалі журналісты розных кантынентаў у апытанні за «Залаты мяч», уладальнікам якога сёмы раз стаў форвард ПСЖ Ліянэль Мэсі.
Мэсі ў галасаванні за «Залаты мяч» атрымаў 613 балаў, а кампанію аргенцінцу ў топ-3 склалі нападнік Баварыі Роберт Левандоўскі (580) і паўабаронца Чэлсі Жаржыньё (460).
Нямецкае выданне Bild паведаміла, што Левандоўскі ўпершыню ў кар'еры здабыў бы бы «Залаты мяч», калі б у галасаванні ўлічвалася меркаванне толькі еўрапейскіх журналістаў, якія аддалі паляку 209 галасоў супраць 166 у Жаржыньё і 161 у Мэсі.
Таксама Левандоўскі выперадзіў Мэсі ў Афрыцы (184 на 159), але прадстаўнікі Паўднёвай Амерыкі (46-23), краін Карыбскага басейна (107-63), Азіі (125-90) і Акіяніі (15-11) аддалі перавагу аргенцінцу.