Новы падатак: стала вядома, колькі будуць плаціць уладальнікі кватэр у Беларусі
26- 5.12.2021, 15:08
- 28,040
Чыноўнік прагаварыўся аб суме збору.
Стала вядома, колькі будуць плаціць уладальнікі кватэр у Беларусі. Аб суме падатку ў эфіры прапагандысцкага тэлеканала «Беларусь 1» распавёў намеснік кіраўніка адміністрацыі Лукашэнкі Дзмітрый Круты, паведамляе euroradio.fm.
З ягоных слоў, для асобных катэгорый грамадзян будуць дзейнічаць ільготы: для пенсіянераў, шматдзетных сем'яў, людзей з абмежаванымі магчымасцямі і іншых сацыяльна неабароненых катэгорый.
«Для астатніх гэта будзе стаўка ад 20 да 50 рублёў за год, — гаворыць Круты. — Таму сказаць, што гэта ўжо нейкая непад'ёмная ці катастрафічная сума для гараджаніна, немагчыма».
Аб новаўвядзенні абвясцілі ў 2021 годзе. Прадугледжваецца, што яно пачне дзейнічаць у 2022-м. Для тых, хто мае больш за адну кватэру, адпаведны падатак дзейнічаў і раней.