«Ник и Майк»: Санкцыі прынеслі свае сюрпрызы

Эфект ад санкцый - поўная разгубленасць у Менску.

Санкцыі, якія былі ўведзены на гэтым тыдні, прынеслі свае сюрпрызы. «Гродна Азот» не верыў да апошняга, што ён там апынецца, а амерыканскі ахоп па калію здзівіў Менск і яго саўдзельнікаў ва Украіне. Да таго ж у плане дзейснасці амерыканскіх санкцый у спрэчцы паміж рознымі тлумачальнікамі перамагае міністр транспарту Літвы, піша тэлеграм-канал «Ник и Майк».

Эфект ад санкцый - поўная разгубленасць у Менску. Ад «даражэй лічыць» (сіняпальцы) да ўганяе нас у Расею (Лакей) праз «вы не ўмееце санкцыі ўводзіць» (Галоўчанка-Ньютан).

Пачнём з таго, што ўніверсальны адказ на санкцыі - гэта спыненне ўнутраных рэпрэсій. У Палацы даўно час зразумець, што «караюць» Менск ні за самалёт, ні міграцыйны крызіс, а за сістэмнае парушэнне правоў чалавека ў Беларусі, татальнае беззаконне і пабудову канцлагера памерам з асобна ўзятую еўрапейскую краіну. Самалёт і мігранты толькі паскараюць працэс, але не ўплываюць на яго сутнасць і скіраванасць. Менавіта таму распачатая работа над 6-м пакетам санкцый яшчэ да актывацыі 5-га.

Гаворка Галоўчанка-Ньютана аб санкцыях увойдзе ў аналы. Няправільна ўвялі, парушылі свае ж прынцыпы, закранулі не толькі дзяржпрадпрыемствы... Іншымі словамі - прызнанне ўласнай бездапаможнасці і разгубленасці. У Менску чакалі іншага. Падобнага да еўрапейскіх санкцый, а яны не такія страшныя і шляхі абыходу былі намечаныя. Пралічыліся.

А ўвогуле смешна чуць ад прэм'ер-міністра краіны, у якой шматдзетная маці атрымлівае гады за кратамі, а арыштаваць могуць за няправільныя шкарпэткі ці каробку з-пад тэлевізара на балконе, нешта пра «правільнасць». Колькі ні расказвай пра здзекі польскіх памежнікаў над няшчаснымі мігрантамі, усё выдатна разумеюць, хто тут фашыст.

Лакей у Швецыі паліў напалмам ці паўтараў старыя песні аб галоўным. Рэзюмаваць гэта можна наступнымі тэзамі: мы ў краіне можам рабіць усё, што жадаем. Цяпер, напрыклад, будуем канцлагер. А вы павінны гэта проста прымаць як ёсць. А калі санкцыі ўведзяце, дык суверэнітэт паставіце пад пагрозу, і мы яго ў ламбард здамо па-хуткаму (хоць напярэдадні сінепальцы сам рассыпаўся ў кампліментах брату Вове).

Так што выбары два: ці канцлагер у Беларусі, ці канцлагер у беларускай вобласці Расеі. «Сапраўдны патрыёт і ўвогуле прагрэсіўных поглядаў чалавек». Так пра Лакея больш ніхто не скажа. Нават вугорцы, якія некалі былі сябрамі. А зараз на сайце МЗС вельмі выразна даюць зразумець, пра што была сустрэча з Лакеем (вугорцаў вельмі клапоціць гісторыя з мігрантамі), каб ніхто нічога не падумаў.

Экзэрсісы сіняпальцага на гэтую тэму нават каментаваць не будзем. Толькі вось найбліжэйшыя кашалькі пачынаюць задаваць непрыемныя пытанні, а некаторыя ўжо і сем'і вывозяць. Кола прыкарытных бізнэсоўцаў хутка скарачаецца да памеру хакейнай раздзявалкі, у якой хутка застанецца толькі шпіц.

На заходнім вектары траекторыя зададзена. І тут у залежнасці ад паводзін Менска можа мяняцца толькі хуткасць руху па ёй.