Пачым зараз у Беларусі мандарыны?
7- 5.12.2021, 19:01
- 11,856
Параўнанне коштаў з леташнімі.
Зноў снежань, зноў Новы год на носе. Onliner.by адправіліся на Камароўку і паглядзелі, пачым сягоння аранжавыя плады з тым самым непадробным пахам свята.
Нагадаем, з чым мы сустракалі мінулы Новы год. Гішпанія тады ішла рубля па 4, Турцыя і Абхазія крыху танней - па 3,5. Мандарын з Марока трымаў марку і прадаваўся па 5,5 за кіло. Італьянскія прадукты даражэйшыя — 6,5, але можна было сустрэць і экзатычныя маркі, напрыклад гішпанскія мандарыны за 18 ці 20 рублёў ці кітайскія за 15.
Што змянілася за год?
Асартымент прыкладна той жа. Геаграфія - настальгічная Абхазія, ужо звыклая ўсім Італія і Гішпанія, амаль родныя Турцыя і Марока. Кошты ўсялякія: тыя ж 3,5-4 рублі за абхазскі кілаграм смачнасці, Гішпанія ў сярэднім ідзе рублёў па 5, але калі вам найпрыгажэйшыя - то можна і па 8, і па 13. Італія - столькі ж, Турцыя і Марока прадаюцца па 5 -7 рублёў.
Адзін з самых запатрабаваных прадуктаў на навагодніх сталах прадстаўлены багата. Браць будзеце?