18 студзеня 2022, aўторак, 13:26
Сім сім, Хартыя 97!
Рубрыкі

У Гішпаніі з'явіцца міжгародняе аэратаксі

У Гішпаніі з'явіцца міжгародняе аэратаксі
Фота: expodronica.com

Яно злучыць паміж сабой Балеарскія выспы, Валенсію і Барсэлону.

Праз 5 гадоў першае ў Гішпаніі лятучае таксі зможа злучыць паміж сабой тры рэгіёны: Балеарскія выспы, Валенсію і Барсэлону, піша «Еўра пульс».

Аэрамабілі распрацоўвае мясцовая кампанія Expodrónica. Кабіна таксі будзе змяшчаць пяць пасажыраў і пераадольваць адлегласці да 300 кіламетраў (гарады, у якія будуць лятаць таксі, размешчаныя прыкладна на такой дыстанцыі адзін ад аднаго).

Фактычна аэрамабіль - гэта робат з чатырох маленькіх чатырохматорных дронаў. Машыны будуць электрычныя.

Цяпер распрацоўшчыкі займаюцца стварэннем першага рабочага прататыпа. Прадугледжваецца, што аэрамабілі змогуць выконваць турыстычныя палёты ў 2026 годзе.

Іншыя еўрапейскія краіны і гарады таксама бяруць на ўзбраенне паветранае таксі. Напрыклад, аператар грамадскага транспарту Парыжа RATP плануе запусціць аэратаксі ў аэрапорт у 2030 годзе.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».