28 сакавiка 2024, Чацвер, 13:47
Падтрымайце
сайт
Сім сім,
Хартыя 97!
Рубрыкі

Спецслужбы Польшчы: Рэжым Лукашэнкі па-ранейшаму зацікаўлены ў дэстабілізацыі мяжы

2
Спецслужбы Польшчы: Рэжым Лукашэнкі па-ранейшаму зацікаўлены ў дэстабілізацыі мяжы

Беларускія службы распаўсюджваюць чуткі сярод мігрантаў, каб заахвоціць іх атакаваць польскую мяжу.

На складах, якія выкарыстоўвалі беларускія службы для групоўкі нелегалаў, мігранты арганізавалі акцыю пратэсту. Яны не жадаюць вяртацца ў свае краіны, яны жадаюць магчымасць прарвацца ў ЕЗ, піша прэс-сакратар міністра-каардынатара спецслужбаў Польшчы Станіслаў Жарын у Twitter.

Падчас акцыі замежнікі крычалі: «Мы не хочам ехаць дадому, мы хочам ехаць у Еўропу». Дзеці таксама ўзялі ўдзел у акцыі, знятай у прапагандысцкіх мэтах.

Цягам многіх дзён беларускія службы распаўсюджвалі чуткі сярод замежнікаў, каб заахвоціць іх атакаваць польскую мяжу і паспрабаваць прарвацца на Захад.

Рэжым Аляксандра Лукашэнкі па-ранейшаму зацікаўлены ў дэстабілізацыі Польшчы. У той жа час вядзецца гульня, каб усыпіць пільнасць тых, хто абараняе польскую мяжу.

Напісаць каментар 2

Таксама сачыце за акаўнтамі Charter97.org у сацыяльных сетках