25 студзеня 2022, aўторак, 21:01
Сім сім, Хартыя 97!
Рубрыкі

У Менску значна ўпалі сярэднія пенсіі

22
У Менску значна ўпалі сярэднія пенсіі

Пры гэтым улады засакрэцілі колькасць пенсіянераў.

У Менску ўпалі сярэднія пенсіі. Некаторыя - больш чым на 7 рублёў. Гэта вынікае са звестак камітэта працы, занятасці і сацабароны Менгарвыканкама. Пры гэтым сацыяльная пенсія складае 144 рублі, а ў тых, у каго інваліднасць праз катастрофу на ЧАЭС, - 1 612 рублёў. Пры гэтым камітэт перастаў публікаваць колькасць пенсіянераў. Раней з гэтых звестак стала вядома, што за студзень-жнівень Менск страціў 8,5 тысячы пенсіянераў.

На 1 лістапада сярэдняя сума усіх пенсій склала 551,54 рублі. Гэта на 20 капеек менш, чым на пачатак верасня.

Максімальная сума пенсій для працоўных пенсіянераў у Менску складае 608,8 рубля, а для непрацоўных - 923,8 рубля.

Сярэдняя сума працоўных пенсій на 1 лістапада ў Менску была на ўзроўні 558,91 рубля, а мінімальных выплат з прычыну ўзросту - 72 рублі (без уліку даплаты пры стажы працы 20 гадоў у жанчын і 25 у мужчын).

Выплаты з нагоды страты карміцеля на аднаго сямейніка склалі 347,17 рубля. Гэта на 3,23 рублі менш, чым на пачатак верасня.

Сярэднія пенсіі з прычыны ўзросту інвалідаў ВАВ на 1 лістапада павялічыліся да 959,55 рубля. Гэта на 1,65 рубля менш, чым на пачатак верасня.

Сярэдні памер пенсіі па інваліднасці на пачатак лістапада быў на ўзроўні 471,4 рублі. Так, пенсія па інваліднасці з прычыны агульнага захворвання - 443,5 рубля, з прычыны працоўнага калецтва або прафзахворвання - 233,1 рубля. Выплаты па інваліднасці ў выніку катастрофы на ЧАЭС упалі да 1612,5 рубля. Гэта на 7,44 рублі менш, чым на 1 верасня.

Сацыяльная пенсія з прычыну ўзросту, якую мужчынам прызначаюць у 65 гадоў, а жанчынам - у 60 гадоў, у менчукоў, як і агулам па краіне, складае 144,01 рубля.

Пры гэтым камітэт працы, занятасці і сацабароны Менгарвыканкама перастаў публікаваць колькасць пенсіянераў, а таксама тых, хто працягвае працаваць на заслужаным адпачынку. Нагадаем, раней з гэтых звестак стала вядома, што за студзень-жнівень гэтага года Менск страціў 8,5 тысячы пенсіянераў.

Нагадаем, у кастрычніку ў Беларусі зноў упалі рэальныя пенсіі, якія разлічваюць з папраўкай на рост коштаў. Яны знізіліся на 0,9 адсотка да верасня. У гэтым годзе працоўныя пенсіі паднімалі адзін раз - у верасні, але гэта падвышэнне «з'ела» рэкордная інфляцыя.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».