Лукашэнку і ягоных чыноўнікаў пакрыўдзілі
38- 7.12.2021, 17:29
- 77,046
Цяжкія часы надышлі ў Беларусі для кіраўнікоў розных узроўняў.
Тыя кіраўнікі, якія пасля жніўня 2020 года надумалі застацца шрубкамі ў сістэме, усё часцей сутыкаюцца з вельмі непрыемнымі момантамі ў сваёй працы. Перш за беларускія чыноўнікі імкнуліся пазбягаць эмоцый, але цяпер ужо не могуць замаскаваць расчараванне, піша “Салідарнасць”.
Хто нясе на сваіх плячах крыўду і ўжо не хавае гэтага?
Уладзімір Базанаў
Кіраўнік Федэрацыі футбола не палітык, але пасля абвінавачанняў ва ўдзеле ў рэпрэсіях стаўленне да яго што ў Беларусі, што за яе межамі заўважна змянілася.
Базанава, які прыехаў з жонкай у Чэхію, дапыталі, а затым выслалі з краіны, ануляваўшы да таго ж шэнгенскія візы. Кіраўнік відавочна не чакаў такога павароту.
У інтэрв'ю дзяржаўнаму тэлеканалу ён расказаў:
- А 10:30 з'яўляецца іх міграцыйная паліцыя, правярае ўсе дакументы - усё нармальна, сыходзяць. Праз 40-50 хвілін з'яўляюцца і прапануюць праехаць з імі ў паліцэйскі ўчастак. Мы з'язджаем разам з жонкай і на працягу 8 гадзін 30 хвілін знаходзімся там. Шукаюць, нічога не могуць знайсці, ходзяць, псіхалагічны нейкі такі ціск праз кожную гадзіну: "Пакажы паперку", "Дзе ты зарэгістраваны?".
Дзмітрый Баскаў
Але Базанаў хаця б застаецца кіраўніком Федэрацыі футбола. З ягоным калегам Дзмітрыем Баскавым абышліся яшчэ больш жорстка. Міжнародная федэрацыя хакея дыскваліфікавала кіраўніка за ціск на спартоўцаў і трэнераў праз іх грамадзянскую пазіцыю. У выніку той вымушаны быў пакінуць улюбёны від спорту, якому аддаў усё свядомае жыццё.
У Федэрацыі хакея аб звальненні Баскава паведамілі з фармулёўкай "у сувязі з неабгрунтаваным грубым ціскам".
Уладзімір Макей
Крыўдзяць зараз не толькі спартыўных кіраўнікоў, але і міністраў. Ды яшчэ якіх. Перад кіраўніком МЗС Уладзімірам Макеем яшчэ нядаўна ў заходніх сталіцах былі адчыненыя практычна ўсе дзверы, а цяпер некаторыя калегі не хочуць з ім нават размаўляць.
Так на Генасамблеі ААН польскі міністр адмовіўся ад перамоў з ім.
- У выніку гэтай размовы маглі б быць выпрацаваны канкрэтныя кірункі супрацоўніцтва, - са шкадаваннем заўважыў Макей.
А на саміце АБСЕ ў Стакгольме калегі не захацелі расказваць аб перамовах з беларускім міністрам. Кіраўнік МЗС зноў быў расчараваны:
- Такая дэмакратыя ў іх разуменні, такая свабода выказвання меркавання ў іх разуменні, калі асцерагаюцца сустрэч з-за таго, што будуць падстаўленыя пад астракізм у сваіх сродках масавай інфармацыі і ў сваёй грамадскай думцы.
Аляксандр Лукашэнка
Але больш за ўсіх не хавае эмоцый сам правадыр. Спіс тых, каго ён запісвае ў катэгорыю "мярзотнікаў", імкліва расце. Падставы для гэтага ўзнікаюць самыя розныя.
Адным з апошніх сталі паводзіны еўрапейскіх палітыкаў у праблеме міграцыйнага крызісу.
- Я чакаю, калі ЕЗ адкажа на пытанне аб дзвюх тысячах уцекачоў. У нас жа ў гэтым лагеры блізу дзвюх тысяч уцекачоў. Я прасіў, каб яны іх забралі. Яны сказалі, Мэркель мне паабяцала, на ўзроўні Еўразвязу разгледзяць гэтую праблему. Дык не разглядаюць нават. І нават тое, што яна мне паабяцала (разгледзелі ў ЕЗ), - кантактныя асобы. Яны на кантакт нават не выходзяць. Міністр замежных спраў Беларусі Макей ім тэлефануе: "Давайце будзем працаваць у гэтай сферы!" - Ды мы там у выправе, яшчэ недзе і іншае, - абурыўся Лукашэнка.
І гэта далёка не канец. Усё сведчыць аб тым, што падстаў крыўдзіцца ў беларускіх чыноўнікаў у найбліжэйшай будучыні будзе гаць гаці.