Вайсковы экспэрт: Пачынаецца крах планаў бліцкрыгу Пуціна

У выпадку ўварвання ва Украіну супраць РФ спрацуюць некалькі чыннікаў.

Расея можа рыхтаваць план маштабнага ўварвання ва Украіну з прыцягненнем да 175 тысяч вайскоўцаў. Замежныя СМІ публікуюць магчымыя сцэнары і карту нападу РФ. Зрэшты, вокамгненнага шырокамаштабнага наступу не адбудзецца, перакананы дырэктар інфармацыйна кансалтынгавай кампаніі Defense Express Сяргей Згурэц.

“Бліцкрыг мае на мэце ўвядзенне войскаў на дастаткова глыбокую тэрыторыю. Гэтыя войскі трэба падтрымліваць лагістыкай, іншымі рэчамі. Тут пачынаецца крах планаў бліцкрыгу. Калі лагісты палічаць колькі трэба паліва, боепрыпасаў, іншага, то выявіцца, што гэтых намаганняў будзе недастаткова. Разумеем, што першыя дзеянні РФ адразу ж прывядуць да адэкватнай рэакцыі з боку ЗША, звязаных з новым узроўнем санкцый. <...> Таму пытанне бліцкрыгу, думаю, існуе ў часопісах, у тым ліку і ў нашых публікацыях, але напраўду мы ўжо выйшлі за межы разумення рэальнасці: у нас ужо пачуццё страху прысутнічае, а пачуццё рэальнасці пачынае знікаць”, — адзначыў Згурэц на Радыё НВ.

У пачатку лістапада ў заходніх СМІ з'явіліся паведамленні аб тым, што Расея перакідвае войскі на мяжу з Украінай і рыхтуе далейшы наступ на ўкраінскія тэрыторыі.

Са снежня ў Вярхоўнай Радзе са справаздачай выступіў міністр абароны Аляксей Рэзнікаў. Ён паведаміў, што цяпер колькасць расейскіх войскаў паблізу межаў Украіны і на часова акупаваных тэрыторыях — больш за 94 тысячы жаўнераў і афіцэраў. Яны знаходзяцца ў пастаяннай гатоўнасці і могуць быць уцягнуты ў эскалацыю сітуацыі. Магчымае ўварванне РФ ва Украіну Рэзнікаў не выключае.

Са слоўкіраўніка ГУР Мінабароны Украіны Кірыла Буданава, назапашванне расейскіх войскаў будзе працягвацца і выйдзе на пік у канцы студзеня 2022 года.

На фоне пагрозы ўварвання РФ ва Украіну прэзідэнт ЗША Джо Байдэн і кіраўнік Крамля Уладзімір Пуцін правядуць перамовы 7 снежня.

3 снежня Байдэн заявіў, што спадзяецца правесці з Пуціным "доўгую размову". Пры гэтым ён адпрэчыў "чырвоныя лініі" Масквы.

Акрамя таго, Байдэн папярэдзіў, што Белы дом рыхтуе комплекс мер, каб не дапусціць уварвання Пуціна. Кіраўнік Белага дома ахарактарызаваў іх як "найбольш усёабдымны і значны набор ініцыятыў, каб спадару Пуціну было вельмі цяжка зрабіць тое, што, як баяцца людзі, ён можа зрабіць".