Беларусы выдаткоўваюць на прадукты львіную дзель бюджэту

Найбольш грошай на харчаванне, алкаголь і тытунь аддаюць жыхары Магілёўскай вобласці.

У многіх беларусаў дзель выдаткаў на тавары штодзённага попыту перавышае 40 адсоткаў.

З алкаголем і тытунём удзельная вага такіх тавараў можа набліжацца да паловы, піша banki24.by.

Галоўную ролю ў паўсядзённых выдатках беларусаў адыгрываюць выдаткі на спажыванне. Па выніках 3 квартала 2021 года спажывецкія выдаткі склалі 74,5% усіх выдаткаў сярэдняй паводле статыстыкі гаспадаркі.

Даведачна: хатняя гаспадарка - гэта чалавек або група людзей, якія жывуць разам, забяспечваюць сябе неабходным для жыцця і поўнасцю або часткова аб'ядноўваюць свае сродкі. На бытавым узроўні аналагам хатняй гаспадаркі можна назваць сям'ю.

Спажывецкія выдаткі на хатнюю гаспадарку РБ у 3 квартале склалі 1 182 BYN на месяц. Пры гэтым дзель прадуктаў харчавання ў гэтых выдатках дасягнула 36,5%, а тытуню і алкаголю - яшчэ 2,4%.

У пераліку на грошы на прадукты ў беларускай сям'і сыходзіла 432 BYN на месяц, на шкодныя звычкі - 28 BYN. Трэба адзначыць, што 45% хатніх гаспадарак, паводле іх слоў, нічога не выдаткоўвалі на алкаголь і тытунёвыя вырабы.

Таму ў астатніх 55% узровень выдаткаў на алкаголь і тытунь склаў 51 BYN на месяц.

У гарадской мясцовасці краіны на прадукты харчавання, алкаголь і тытунь у беларусаў сыходзіла меншая частка спажывецкага кошыка, чым на вёсцы - 35,8% і 2,3% супраць 39,7% і 2,7%.

Такая прапорцыя звычайна паказвае на горшы ўзровень жыцця ў сельскай мясцовасці, чым у гарадах.

Апошняе прыкметна пры супастаўленні дзелі выдаткаў на прадукты і шкодныя звычкі ў Менску і абласцях. У сталіцы з яе высокімі ў параўнанні з правінцыяй заробкамі ўдзельная вага прадуктаў харчавання ў спажыванні склала 33,5%, алкаголю і тытуню - 2,2%.

А вось у абласцях гэтыя паказчыкі вагаліся ад 35,4 адсотка да 39,9 адсотка і ад 2,2 адсотка да 2,7 адсотка.

Больш за ўсё на прадукты, алкаголь і тытунь вымушаны выдаткоўваць з сямейнага бюджэту жыхары Магілёўскай вобласці (39,9 адсотка і 2,7 адсотка). Гэты рэгіён займае апошнія месцы ў краіне паводле ўзроўню сярэдняга заробку і ў лідарах паводле колькасці гадзін, праведзеных на працы.

У Беларусі дзель выдаткаў на прадукты паслядоўна павялічваецца з ростам колькасці дзяцей у сям'і.

У хатніх гаспадарках з 1 дзіцем гэта 32,7%, з 2 дзецьмі - 33,1% з 3 і больш дзецьмі - 35,6%. Іншымі словамі, кожнае новае дзіця прымушае бацькоў больш выдаткоўваць на самыя базавыя патрэбы сям'і - на харчаванне.

Дзель выдаткаў на прадукты падае пры павелічэнні даходу хатняй гаспадаркі. У 20% самых бедных сем'яў Беларусі гэта 41,8%, у 20% найбагацейшых - 27,7%.

Таксама па меры росту дабрабыту скарачаецца дзель алкаголю і тытуню - ад 2,5% у бедных да 2,1% у багатых.