У івацэвіцкай калоніі ад агнястрэльнай раны загінуў вайсковец

Ён загінуў гэтай ноччу.

У папраўчай калоніі №5 у Івацэвічах падчас нясення службы загінуў вайсковец.

«Папярэдне выяўлена, што 35-гадовы старшына ўнутранай службы загінуў уначы 7 снежня ад агнястрэльнай траўмы падчас нясення службы ў ПК-5 у Івацэвічах», - расказаў БелТА намеснік начальніка абласнога УСК Сяргей Гарошка.

Абставіны здарэння высвятляюцца, прызначаная судова-медыцынская экспэртыза.