Польшча ўзмацняе жорсткасць каранавірусных абмежаванняў

Яны набываюць моц з 15 снежня.

Міністэрства аховы здароўя Польшчы заявіла, што краіна ўзмацняе жорсткасць COVID-абмежавання. Таксама было заяўлена, што з 1 сакавіка ўрад плануе ўвесці абавязковыя прышчэпкі для медыкаў, настаўнікаў і сілавікоў.

З 15 снежня закрываюцца дыскатэкі, клубы і аб'екты, дзе ёсць месца для танцаў.

На Новы год (31 снежня і 1 студзеня) колькасць наведвальнікаў аб'ектаў будзе абмежаваная да 100 чалавек, без уліку прышчэпленых.

У грамадскім транспарце ўводзіцца ліміт запаўняльнасці да 75%.

Пры ўездзе з-за межаў шэнгенскай зоны неабходна будзе падаць адмоўны тэст на каранавірус, зроблены не пазней, чым за 24 гадзіны да ўезду.

Школы пераводзяцца на дыстанцыйнае навучанне з 20 снежня да 9 студзеня.