Олаф Шольц стаў новым канцлерам Нямеччыны
- 8.12.2021, 12:52
- 3,228
Бундэстаг закончыў галасаванне.
Бундэстаг на сваім пасяджэнні абраў прадстаўніка сацыял-дэмакратаў Олафа Шольца новым федэральным канцлерам Нямеччыны. Шольц змяніў на пасадзе Ангелу Мэркель, якая кіравала Нямеччынай 16 гадоў і надумала больш не вылучаць сваю кандыдатуру, паведамляе zn.ua.
Мэркель таксама прысутнічала на пасяджэнні. Мэркель і Шольц добра ведаюць адно аднаго. Ён быў яе міністрам фінансаў і віцэ-канцлерам у няпростай "вялікай кааліцыі" кансерватараў і сацыял-дэмакратаў, якую Мэркель давялося аб'яднаць у 2017 годзе.
У новым урадзе 17 чалавек. Акрамя Шольца, там будуць 8 жанчын і 8 мужчын.
"Для мяне важная роўнасць, і таму з 16 міністраў будзе восем мужчын і восем жанчын", - сказаў Шольц, прадстаўляючы склад кабінета.
Шольц прадставіў сем міністраў ад сваёй Сацыял-дэмакратычнай партыі. Міністэрства абароны ўзначаліў былы міністр юстыцыі Крысцін Ламбрэхт, міністэрства ўнутраных спраў - кіраўніку СДП у Гесэне Нэнсі Фезэр, міністэрства аховы здароўя - экспэрт у пандэміі, прыхільнік жорсткіх абмежаванняў Карл Лаўтэрбах, папярэдні міністр у пытаннях навакольнага асяроддзя Свенье Шульц.
Пасля выбараў бундэсканцлера да прысягі прывялі і чальцоў новага ўрада Нямеччыны, сфармаванага з прадстаўнікоў Сацыял-дэмакратычнай партыі (СДП), ліберальнай Свабоднай дэмакратычнай партыі (СвДП) і партыі "Унія-90"/"Зялёныя".
Новы ўрад пакуль дакладна не даў зразумець, якой будзе замежная палітыка краіны, але перад выбарамі Шольц заяўляў, што ў дачыненні да Расеі Нямеччыне патрэбная Новая ўсходняя палітыка, у рамках якой Расеі трэба прызнаць "вяршэнства закона, а не таго, хто мацнейшы".