«Набыў аўтамабіль у расейскім аўтасалоне, а праз некалькі гадоў выявілася, што ў яго яшчэ адзін уладальнік»

Беларускі кіроўца распавёў пра свае «прыгоды».

Беларус Дзяніс сем гадоў таму купіў Hyundai Santa Fe ў Маскоўскім аўтасалоне. Аўто паставілі на беларускі ўлік, гады ішлі, праблем не ўзнікала, але калі ў лістападзе гэтага года мужчына захацеў прадаць аўтамабіль, выявіліся не самыя прыемныя навіны, піша abw.by.

Аўто адно - уладальнікаў двое?

Суразмоўца кажа, што збіраўся правесці перадпродажную падрыхтоўку, а таму звярнуўся на сэрвіс, каб там правялі дыягностыку і абслугоўванне.

«Якое ж было маё здзіўленне, калі спецыяліст сэрвісу паведаміў, што ў гэтага аўто ёсць іншы гаспадар, а аўтамабіль у закладзе ў расейскага банка! - успамінае Дзяніс. – Гэта як абухом па галаве. Я першы і адзіны ўласнік аўтамабіля, але выявілася, што ён належыць не мне. У такое цяжка паверыць, але ў якасці пацверджання мне паказалі дакумпент.

Са звестак, якія змяшчаюцца ў рэестры апавяшчэнняў аб закладзе рухомай маёмасці, з лютага 2015 года мой аўтамабіль знаходзіцца ў закладзе ў банка. Але дазвольце, гэты аўтамабіль я набываў у 2014-м у афіцыйнага дылера за гатоўку, поўная сума праз банк занесеная на рахунак прадаўца. Які заклад, які крэдыт, адкуль? Да чаго мне рыхтавацца?»

Выявілася, што заклад «нарадзіўся» 20 лютага 2015 года а 8.52. Ён пададзены жыхаром Масквы 1984 г. н., але Дзяніс, зразумелая справа, яго не ведае і ў банку маскоўскім ніколі не быў.

Атрымліваецца, што праз год пасля куплі Дзяніса ў Расеі набылі Hyundai Santa Fe. Паколькі VIN аўтамабіляў супадаюць, то юрыдычна гэта адзін і той жа аўтамабіль. Каб перадаць аўто ў заклад банку, праводзіцца агляд аўтамабіля, складаюцца неабходныя дакументы, у тым ліку перадаецца ПТС (пашпарт транспартнага сродку. – Заўвага. рэдакцыя). Некалькі такіх пашпартоў быць не можа, толькі дублікат, выдадзены ў выпадку страты або знішчэння арыгінала. Але заяву на выраб дубліката можа падаць толькі ўласнік аўтамабіля. А ўласнік адзін, Дзяніс, ён быў упісаны ў ПТС як першы і адзіны пасля прадаўца ўладальнік, гэты дакумент быў здадзены ў МРЭА ДАІ пры рэгістрацыі аўтамабіля ў Беларусі. Ніякіх заяў на выраб дубліката ПТС ён, натуральна, не падаваў. Атрымліваецца, што сітуацыя магла развівацца паводле двух сцэнараў:

аўтамабіляў два, гэта значыць, маецца фізічны «двайнік» з такім жа VIN, і супрацоўнікі банка аглядалі «блізнюка» перад перадачай яго ў заклад з адпаведнымі дакументамі, аб паходжанні якіх можна толькі гадаць;

другога аўтамабіля няма, а ў заклад перадалі, фактычна, толькі дакументы, без наяўнасці і агляду аўто супрацоўнікамі банка.

Абодва выпадкі кажуць пра тое, што гэта афёра. Але як развязаць праблему, бо паводле закона ў закладатрымальніка (банка) усе правы на аўтамабіль, у тым ліку і права запатрабаваць яго ў выпадку парушэння ўмоў дамовы?

Як вынікае з паведамлення аб узнікненні закладу, тэрмін выканання абавязацельстваў па дамове з банкам-снежань 2019 года. Тады і тут атрымліваюцца два варыянты:

крэдыт за аўтамабіль выплачаны, «двайнік» спакойна катаецца па прасторах Расеі і не толькі, але звесткі з рэестра банк з нейкай прычыны не прыбраў;

крэдыт не выплачаны, банк можа пачаць працэдуру канфіскацыі аўтамабіля ў заклададавальніка праз суд, тэрміны пазоўнай даўнасці пакуль гэта дазваляюць.

Як паказвае практыка, калі абавязак «вісіць» , то расейскія банкі ў такіх выпадках у суд ідуць ахвотна, а суд накіроўвае запыты ў ДІБДР Расеі і УДАІ МУС Беларусі аб наяўнасці ў аўтамабіля з такім жа VIN уладальніка (уласніка) і накладанні арышту на транспартны сродак. Не выключаем імавернасці, што ў нашым выпадку пры пачатку судовага разбору такі запыт у айчынную ДАІ зроблены будзе, Дзяніса прыцягнуць да ўдзелу ў працэсе. І хто ведае, чым усё скончыцца. Але чакаць не варта.

Гульня на апярэджанне

Паколькі з такімі выпадкамі ў рэдакцыі аўтабізнэсу сутыкаліся часта, мы параілі Дзянісу, па-першае, звярнуцца ў афіцыйную экспэртную ўстанову для праверкі сапраўднасці VIN яго аўтамабіля. Чакаць, пакуль гэта будуць рабіць на запыт расейскага суда, не варта. Заключэнне экспэртаў аб тым, што VIN не з'яўляецца перайначаным, - сур'ёзны аргумент у судовым працэсе – калі такі трэба будзе, з улікам таго, што Дзяніс першы і адзіны ўладальнік аўтамабіля.

Па-другое, пасля атрымання экспэртнага заключэння звярнуцца ў праваахоўныя органы Расеі з тым, каб устанавілі «двайніка», бо яго VIN, відавочна, будзе падробленым. «Сюрпрызы» ад аўтамабіля-«блізнюка» таксама могуць быць. Дапусцім, пад заклад возьмуць крэдыт і не будуць яго выплачваць, тады на аўтамабіль могуць накласці арышт. А калі сам Дзяніс паедзе на сваім аўто ў Расею і яго спыніць супрацоўнік ДІБДР, то з вялікай доляй імавернасці аўтамабіль змесцяць на стаянку, а нашаму чытачу давядзецца думаць, як дабірацца дадому. Ацэнка дзеянняў супрацоўнікаў банка пры афармленні крэдыту і закладу, дзеянняў самога задаткадавальніка таксама не будзе лішняй.

Па-трэцяе, пасля атрымання вынікаў экспэртызы звярнуцца ў банк. Калі крэдыт на «двайніка» выплачаны, папрасіць выключыць аўтамабіль з рэестра закладаў. Пры гэтым задаць пытанне аб тым, як супрацоўнікі банка прапусцілі праз увесь стос бюракратычных працэдур «блізнюка», калі такі наогул быў.

І апошняе, але не менш важнае - звярнуцца ў нашу ДАІ з заявай аб падачы дакументаў, якія паслужылі падставай для рэгістрацыі аўтамабіля, і калі яны яшчэ не згінулі ў архівах, то правесці экспэртызу сапраўднасці ПТС.