У Пентагоне растлумачылі, навошта Украіне Javelin
5- 9.12.2021, 9:21
- 6,712
ЗША не ўводзілі якіх-небудзь геаграфічных абмежаванняў на выкарыстанне гэтай зброі.
У 2021 годзе амерыканскі прэзідэнт Джо Байдэн зацвердзіў выдачу Кіеву дапамогі на суму $60 млн, у рамках якой Украіне таксама паставяць комплексы Javelin.
Пентагон разлічвае на адказнае выкарыстанне Украінай амерыканскіх супрацьтанкавых сістэм Javelin і разлічвае, што тыя будуць выкарыстоўвацца толькі ў якасці абароны. Пра гэта заявіў прадстаўнік ведамства Джон Кірбі падчас брыфінгу, трансляцыя якога вялася ў Twitter, паведамляе korrespondent.net.
"Мы чакаем, што яны будуць выкарыстоўвацца адказна і для мэт самаабароны", - сказаў Кірбі падчас брыфінгу.
Пры гэтым ён падкрэсліў, што Пентагон не ўвёў геаграфічных абмежаванняў на выкарыстанне комплексу на тэрыторыі краіны.
Вядома, што ЗША пастаўляюць Украіне сістэмы Javelin з 2018 года, тады краіна атрымала 37 комплексаў і больш за 200 ракет.
Нагадаем, што раней Украіна атрымала партыю зброі са ЗША. Зброя і боепрыпасы дастаўленыя ў рамках выдачы дадатковай дапамогі для бяспекі ад урада ЗША для УСУ.
Таксама ў ЗША заклікалі супольнікаў паставіць Украіне зброю. Прадстаўніца Пентагона заявіла, што іншым краінам трэба зняць абмежаванні на пастаўкі смяротнага ўзбраення Кіеву.