У чарговым тайме Пуцін сапраўды саступіў
5- 9.12.2021, 15:20
- 15,034
ЗША выкарысталі супраць Крамля ягоную ж тактыку.
Пуцін усе апошнія месяцы паслядоўна падвышаў стаўкі вакол Украіны. І сёе-тое за гэта ўжо атрымаў: з праекту абароннага бюджэту ЗША зніклі дадатковыя санкцыі ў дачыненні да Nord Stream 2 і расейскай суверэннай пазыкі. Вядома, яны там яшчэ могуць з'явіцца, бо Байдэн даволі паслядоўна ажыццяўляе палітыку пугі і перніка ў дачыненні да Расеі, піша экс-міністр замежных спраў Украіны Павел Клімкін.
Апошнім часам і ЗША сталі падвышаць стаўкі - тактыка дакладная, але змяшчае нямала пагроз эскалацыі. Менавіта таму пастанова падтрымліваць дыялог паміж ЗША і РФ аб нас - навіна яшчэ не добрая, але тым не менш абнадзейлівая.
Але не чакайце, што Пуцін хутка адвядзе свае войскі - яму патрэбен рычаг на нас і Злучаныя Штаты. Гэта пакуль што не канец расейскай гульні, але ў чарговым тайме Пуцін дакладна не перамог.