«Каранік уявіў сябе гэткім абшарнікам і ў сваім хворым розуме летуціць, што ўсе вакол – ягоныя прыгонныя»
73- 21.02.2021, 10:50
- 43,530
Жыхары Гародні ў шоку ад «губернатара».
Пра гэта тэлеграм-каналу «Баста» піша працаўніца адной з гарадзенскіх устаноў культуры:
- Гарадзенскі «губернатар» гуляе. У чацвер званок нам на працу (установа культуры), маўляў патрэбныя артысты выконваюць «застольныя-патрыятычныя песні» (я пра існаванне такіх не чула). Адміністрацыя з аддзела культуры яшчэ заявіла, што трэба будзе спяваць пад баян.
Натуральна артысты абурыліся. На што мадам з аблвыканкама (шмат хто ў горадзе яе ведае, вяла праўладны шабас), сказала: калі «губернатар» скажа ўсім спяваць пад баян, будзем спяваць. На секундачку, у планах гэтае «мерапрыемства» было пазначанае як сустрэча адміністрацыі з вайскоўцамі на гожскім палігоне. А фактычна алкагольная вечарына ў Караніка. Мабыць, куплю аўто жонцы абмывалі.
Дарэчы, з нагоды Караніка, да яго многія адмовіліся ехаць. Абавязалі дзіцячыя музычныя школы з раёна ўдзельнічаць.