Беларускія ўлады паклікалі ў госці дэвальвацыю

Галоўчанка наступіў на граблі Мясніковіча.

Прэм'ер Беларусі Раман Галоўчанка наступіў на ўлюбёныя граблі экс-прэм'ера Міхаіла Мясніковіча, які ў 2014 годзе адным подпісам прывёў краіну да 40% дэвальвацыі, піша afn.com.

Галоўчанка наважыў, чым «я горшы?» і падпісаў пастанову №100 ад 23 лютага 2021 года «Аб часовых захадах стабілізацыі коштаў сацыяльна значных тавараў першай неабходнасці», якой дэ-юрэ ўвёў дзяржаўнае рэгуляванне цэн 62 таварных пазіцый (у асноўным ежа) па пералiку №1 і 50 найменняў лекаў па пераліку №2.

Асаблівую ўвагу трэба звярнуць на той факт, што «вайсковае становішча» для коштаў уводзіцца адразу на год.

«Юрыдычным асобам усіх формаў уласнасці і індывідуальным прадпрымальнікам, якія ажыццяўляюць вытворчасць (увоз) і (або) рэалізацыю на ўнутраны рынак сацыяльна значных тавараў першай неабходнасці па пераліках згодна з дадаткамі 1 і 2 (далей - сацыяльна значныя тавары першай неабходнасці), не дапускаць падвышэння коштаў з даты ўваходжання ў дзеянне гэтай пастановы па 28 лютага 2021 года ў параўнанні з коштамі, якія дзейнічалі на 24 лютага 2021 года, а ў выпадку адсутнасці тавараў на гэтую дату на папярэднюю дату», - гаворыцца ў дакуменце.

«З 1 сакавіка 2021 года змяненне коштаў сацыяльна значных тавараў першай неабходнасці не можа перавышаць 0,2 адсотка на месяц да кошту гэтых тавараў, які склаўся на апошні дзень папярэдняга месяца...», - таксама сказана ў дакуменце.

«Падвышэнне коштаў вышэй мяжы...дапускаецца толькі на ўзгадненне з Камісіяй у пытаннях дзяржаўнага рэгулявання цэнаўтварэння пры Савеце Міністраў Рэспублікі Беларусь», - абвяшчае пастанова (каму належыць, таму падвысяць на столькі, колькі трэба).

Працоўны дзень 24 лютага ў арганізацыях гандлю пачнецца з масавай змены коштаў тавараў. Прычым, прамінулай датай будуць мяняць кошты тавараў, якія ўвайшлі ў пералік Галоўчанкі. Сённяшняй датай пачнуць значна ўздымаць кошты ўсіх астатніх тавараў на столькі, на колькі палічаць патрэбным з улікам палітычных і эканамічных рызык у краіне.

Фактычна, прэм'ер Галоўчанка адчыніў дзверы і афіцыйна запрасіў у краіну яе вялікасць дэвальвацыю, якая ўжо ладна знудзіліся па сінявокай (раней перапынкі былі меншымі).

Значнае падвышэнне коштаў тавараў, не ўключаных у спіс, прывядзе да значнага ўсплёску інфляцыі з усімі вынікаючымі наступствамі.