Ва Украіне зрабілі першую прышчэпку ад каранавіруса

Афіцыйна стартавала кампанія вакцынацыі насельніцтва.

У сераду, 24 лютага, ва Украіне стартавала вакцынацыя ад каранавіруса - першую прышчэпку зрабілі лекару-рэаніматолагу Чаркаскай абласной лякарні Яўгену Гарэнку, піша «Новое время».

Пра гэта паведаміў старшыня Чаркаскай аблдзяржадміністрацыі Аляксандр Скічко.

На брыфінгу ён удакладніў, што лекар пасля вакцынацыі адчувае сябе добра.

«Трэба 30 хвілін абавязковага нагляду перад тым, як працаўнік зможа вярнуцца да працы», - падкрэсліў Скічко.

Паводле звестак Прочарка, у аддзяленні анестэзіялогіі ды інтэнсіўнай тэрапіі Чаркаскай абласной лякарні прышчапіцца пагадзіліся 10 з 15 лекараў і 26 медсясцёр. Усяго ў лякарні былі вакцынаваныя 156 медыкаў.

У першы дзень вакцынацыі плануюць зрабіць прышчэпкі 100 медыкам у Чаркаскай вобласці, паведаміў Скічко на брыфінгу.

23 лютага ва Украіну прыбыла першая партыя вакцыны ад каранавіруса Covishield, вырабленай найбуйнейшым у свеце вытворцам вакцын Serum Institute of India адпаведна з ліцэнзіяй брытанскіх распрацоўнікаў - Оксфардскага ўніверсітэта і AstraZeneca.

24 лютага афіцыйна стартавала кампанія вакцынацыі насельніцтва.

Вакцынацыя ад COVID-19 ва Украіне будзе праводзіцца ў некалькі этапаў:

з лютага да красавіка запланаваная вакцынацыя 367 тысяч чалавек - медыкаў стацыянарных устаноў, дзе лечаць COVID-19, і вайскоўцаў, якія ўдзельнічаюць у ААС;

з красавіка да траўня - вакцынацыя людзей, старэйшых за 80 гадоў і супрацоўнікаў першаснай медыцынскай дапамогі (1,9 млн чалавек);

з траўня да чэрвеня - вакцынацыя медыкаў астатніх катэгорый (363 тысячы чалавек);

з чэрвеня да ліпеня - вакцынацыя 2,9 млн чалавек ва ўзросце 70-79 гадоў;

з ліпеня да жніўня - вакцынацыя супрацоўнікаў структур дзяржбяспекі (640 тысяч чалавек);

са жніўня да верасня - вакцынацыя за 2,3 млн чалавек ва ўзросце 65-69 гадоў;

з верасня да кастрычніка - вакцынацыя супрацоўнікаў сферы адукацыі (1,4 млн чалавек);

з кастрычніка да лістапада - вакцынацыя за 2,8 млн чалавек ва ўзросце 60-64 гады;

з лістапада да снежня - вакцынацыя іншых катэгорый насельніцтва (1,7 млн чалавек).