У чацвер у Беларусі чакаецца да +13 градусаў
2- 24.02.2021, 22:47
- 3,142
Будзе воблачна з праясненнямі.
Туман і галалёдзіца на асобных адрэзках дарог чакаюцца ў Беларусі 25 лютага, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
У чацвер будзе воблачна з праясненнямі. Уначы прагназуецца без істотных ападкаў, раніцай і днём у асобных раёнах пройдзе невялікі дождж. У начныя і ранішнія гадзіны месцамі магчымы туман, слабы галалёд. Вецер заходні 4-9 м/с, днём па поўначы парывы да 12 м/с.
Тэмпература паветра ўначы будзе вагацца ад мінус 2 да плюс 4 градусаў. Днём чакаецца 3–9 градусаў цяпла, у паўднёва-заходніх раёнах – плюс 10–13 градусаў.