Насельніцтва Беларусі купіла ў 2020 годзе на чыстай аснове амаль 2 мільярды даляраў

Давер да рубля працягвае падаць.

У 2020 годзе насельніцтва Беларусі актыўна скупляла валюту, не давяраючы нацыянальнай валюце і чакаючы яе падзення, піша «Ежедневник».

Як адзначаецца ў аналітычным аглядзе Нацбанка, толькі за снежань 2020 года насельніцтва краіны на чыстай аснове набыло 230,9 млн даляраў. Усяго з пачатку года насельніцтвам на чыстай аснове было набыта 1 969,8 млн даляраў.

Для параўнання, суб'ектамі гаспадарання-рэзідэнтамі Беларусі за снежань 2020 года на чыстай аснове набыта замежнай валюты ў аб'ёме 31,5 млн даляраў, а з пачатку года - 977,9 млн даляраў. Пры гэтым асноўнымі мэтамі куплі валюты суб'ектамі гаспадарання размяшчэнне грашовых сродкаў у банках на бягучых і іншых рахунках (35,2%), выплата крэдытаў у замежнай валюце (18,9%), набыццё сыравіны і матэрыялаў (10,3%), аплата абсталявання і камплектуючых (10,3%), набыццё прадуктаў харчавання і сельгаспрадукцыі (4,9%).