Чыстая страта стратных прамысловых прадпрыемстваў Беларусі вырасла ў 2,4 раза

Луканоміку засмоктвае ў дрыгву запазычанасцяў і неплацяжоў.

Паводле звестак Нацыянальнага статыстычнага камітэта, колькасць стратных прамысловых арганізацый у 2020 годзе ў параўнанні з 2019-м павялічылася з 280 да 286 (на 2,1%), іх удзельная вага - з 17,7 да 18,1%, паведамляе naviny.online.

Пры гэтым сума чыстай страты ўсіх стратных прампрадпрыемстваў вырасла ў 2,4 раза да 2 млрд 164 млн рублёў, на адну стратную арганізацыю - таксама ў 2,4 разы да 7 млн 566,4 тысяч рублёў.

Чысты прыбытак усіх арганізацый прамысловасці склаў 3 млрд 144,9 млн рублёў (на 43,7% менш, чым у 2019 годзе), прыбытак да падаткаабкладання - 4 млрд 238 млн рублёў (-39,8%).

Прыбытак ад рэалізацыі павялічыўся на 16,1% да 11 млрд 543,9 млн руб. Рэнтабельнасць продажаў і рэалізаванай прадукцыі склала 9,2 і 11,7% адпаведна (за 2019 год - 8,2 і 10,3%).

Даход ад рэалізацыі прадукцыі, тавараў, работ, паслуг арганізацый у цяперашніх цэнах склаў 125 млрд 875,9 млн рублёў, або на 3,5% больш, чым у 2019 годзе.

Пры гэтым сабекошт рэалізаванай прадукцыі, тавараў, работ, паслуг вырас на 1,6% да 98 млрд 447,1 млн руб.