Тайгер Вудс апрытомнеў пасля аперацыі

У сур'ёзнай аварыі ў яго пацярпелі ногі.

Знакаміты гальфіст Тайгер Вудс, які трапіў напярэдадні ў сур'ёзную аўтамабільную аварыю, апрытомнеў пасля аперацыі. Ён атрымаў шматлікія пашкоджанні ног, у тым ліку адкрытыя пераломы правай нагі. Хірургам давялося зафіксаваць косткі з дапамогай стрыжняў, піша ВВС.

Аварыя адбылася ў Лос-Анджэлесе ў аўторак. Аўтамабіль Вудса перакуліўся і супрацоўнікам выратавальных службаў давялося разрэзаць зламанае жалеза, каб дастаць яго.

45-гадовага спартоўцам даставілі ў бальніцу на машыне хуткай дапамогі.

Са слоў лекараў, у Вудса не толькі пераломы, але і сур'ёзныя траўмы цягліц і мяккіх тканак правай нагі, якія запатрабавалі сур'ёзнага хірургічнага ўмяшання.

Намеснік начальніка паліцэйскага дэпартамента Лос-Анджэлеса заявіў, што, улічваючы характар аварыі, гальфісту пашанцавала застацца ў жывых. Пры гэтым ён дадаў, што аўтакатастрофы на тым участку дарогі, дзе перакуліўся Вудс, не рэдкасць.

Хутчэйшага выздараўлення Тайгеру Вудсу пажадалі зоркі спорту і сцэны: тэнісістка Серэна Уільямс, спявачка Мэрая Кэры, зорка баскетбола Стывен Кары, баксёр Майк Тайсан, а таксама сябры-гальфісты.