У Расеі адбыўся магутны выбух у жылым доме
- 26.02.2021, 12:47
- 3,736
На месцы выбуху пачаўся пажар, жыхароў эвакуавалі.
У Ніжнім Ноўгарадзе раніцай у пятніцу адбыўся выбух у цокальным паверсе шматпавярховага жылога дома на Мяшчэрскім бульвары, паведамілі ў абласной управе МНС. Туды адправілася аператыўная група ратавальнікаў, паведамляе «Інтэрфакс»
Сігнал аб выбуху ў МНС атрымалі а 9:13.
Карыстальнікі сацсетак удакладняюць, што выбух адбыўся ў памяшканні сушы-бара, яно атрымала сур'ёзныя пашкоджанні. Выбухной хваляй пашкодзіла прыпаркаваныя побач аўтамабілі. На відэа, якое з'явілася ў сацсетках, бачна, што часткова разбураная прыбудова цокальнага паверха, у якой знаходзяцца крамы і сэрвісы. Выданне Pro Горад са спасылкай на чытачоў піша, што пацярпеў сушы-бар «Самурай».
Інфармаваная крыніца паведаміла «Інтэрфаксу», што праз выбух у будынку адбылося частковае абрынанне і выбіванне лабавога шкла ў тралейбуса, які праязджаў міма.
Са звестак ТАСС, на месцы выбуху пачаўся пажар, жыхароў эвакуавалі.
Напротив входа в метро в Нижнем Новгороде произошёл взрыв. Данных о пострадавших нет, причины взрыва пока неизвестны pic.twitter.com/ByQ8orfDzY
— NEWS.ru (@nws_ru) February 26, 2021