На выходных у Беларусі будзе высокі курс даляра

Апошнія лютаўскія таргі скончыліся ростам амерыканскай валюты.

Апошнія лютаўскія таргі на Беларускай валютна-фондавай біржы скончыліся ростам курсу амерыканскай валюты, паведамляюць naviny.online.

Даляр дадаў яшчэ 0,0037 пункта і скончыў сесію на адзнацы 2,6057 беларускага рубля.

Дзве іншыя асноўныя замежныя валюты пазіцыі здалі:

расейскі рубель на 0,0383 пункта - 3,5028 беларускага рубля за 100 расейскіх;

еўра на 0,0093 пункта - 3,1662 беларускага рубля.