Лукашысты кінулі блогера Сяргея Пятрухіна ў карцэр

Палітвязня пазбавілі лістоў і перадач да 7 сакавіка.

Блогера Сяргея Пятрухіна перавялі ў карцэр. Пра гэта ў «Фэйсбуку» напісаў кіраўнік Магілёўскай абласной арганізацыі АГП Уладзімір Шанцаў.

26 лютага ён адносіў у Магілёўскі ізалятар перадачу для Сяргея Пятрухіна, але яе не прынялі, патлумачыўшы, што Пятрухін у карцэры да 7 сакавіка, паведамляе «Радыё Свабода».

49-гадовага берасцейскага блогера Сяргея Пятрухіна затрымалі ў вёсцы пад Пухавічамі 16 чэрвеня.