Расея падпісала дамову пра неразмяшчэнне зброі ў космасе з адной з самых бедных краінаў свету
13- 27.02.2021, 11:33
- 7,026
Больш за палову жыхароў краіны непісьменныя і касмічнай праграмы ў яе няма.
Расейская Федэрацыя і дзяржава ў Заходняй Афрыцы Сьера-Леонэ падпісалі супольную заяву пра неразмяшчэнне першымі зброі ў касмічнай прасторы. Дакумент ад імя сваіх краінаў падпісалі сталы прадстаўнік Васіль Небензя і кіраўнік місіі Ахмад Каба, паведамляе theins.ru.
«Гэта яшчэ адзін важны крок на шляху прадухілення гонкі ўзбраенняў у космасе», – гаворыцца ў паведамленні сталага прадстаўніцтва Расейскай Федэрацыі пры ААН.
📄🖋Россия и Сьерра-Леоне подписали совместное заявление о неразмещении первыми оружия в космосе. Документ от имени своих стран подписали Постоянный представитель🇷🇺В.#Небензя и глава миссии🇸🇱А.Кабба.Это ещё один важный шаг на пути предотвращения гонки вооружений в космосе.@MID_RF pic.twitter.com/BXkGIitAQi
— Russian Mission UN (@RussiaUN) February 25, 2021
«Якое вялікае дасягненне! Цяпер расейцы могуць спаць спакойна і не баяцца сьера-леонскіх ваенных зоркалётаў, якія баразняць касмічную прастору над вялікай і цудоўнай Расеюшкай!» – каментуюць навіну ў сеткі.
Адзначым, што Рэспубліка Сьера-Леонэ застаецца адной з самых бедных краінаў у свеце. ВУП на душу насельніцтва ў 2017 годзе – $ 1500 (177-е месца ў свеце). Ніжэй за ўзровень беднасці знаходзяцца блізу 70% насельніцтва.
Больш за палову жыхароў краіны непісьменныя і касмічнай праграмы ў краіне няма.