Беларусь павышае экспартныя мыты на нафту і нафтапрадукты

Бюджэт рэжыму трашчыць па швах.

З 1 сакавіка Беларусь павышае экспартныя мыты на сырую нафту і нафтапрадукты, якія вывозяцца за межы ЕАЭС.

Адпаведная пастанова №111 была прынятая ўрадам 25 лютага.

Пра гэта паведамляецца на Нацыянальным прававым інтэрнэт-партале.

Экспартная мыта на сырую нафту, адпрацаваныя нафтапрадукты, нафтавы бітум, мазут, парафін і вазелін павышаецца да 49,6 даляра за тону (цяпер - 43,8 даляра за тону).

Стаўка вывазной мыты на прамагонны бензін павышаецца да 27,2 даляра за тону (цяпер - 24 даляры за тону).

Экспартную мыту на дызельнае паліва, таварныя бензіны, лёгкія і сярэднія дыстыляты, талуол, бензол, ксілол і аліву павышаюць да 14,8 даляра за тону (цяпер - 13,1 даляра за тону).

Нагадаем, апошнім разам вывазныя мыты на сырую нафту і асобныя катэгорыі тавараў, вырабленыя з нафты, мяняліся 1 лютага. Тады яны таксама былі павышаныя.