Якім будзе надвор'е ў астатні дзень зімы
- 27.02.2021, 21:08
- 1,250
Прагноз сіноптыкаў на 28 лютага.
У Беларусі ў астатні дзень зімы, 28 лютага, чакаецца мокры снег, дождж, на асобных адцінках дарог слізгота. Iнфармацыя змешчаная на сайце pogoda.by.
У краіне ўночы месцам, а ўдзень на большай частцы тэрыторыі пройдуць кароткачасовыя дажджы і мокры снег. Прагназуецца слабы туман, на асобных адцінках дарог слізгота.
Вецер будзе пераважаць паўночна-заходні, сярэдні, удзень парыўны.
Уначы тэмпература паветра складзе ад мінус 3 да плюс 2. Удзень паветра прагрэецца ад +1 да +6 градусаў, а на паўднёвым захадзе Беларусі да +8 градусаў.