Прэзідэнт Дамініканы мае намер адгарадзіцца ад Гаіці сцяной
5- 28.02.2021, 12:10
- 2,860
У Гаіці, акрамя беднасці, назіраецца высокі ўзровень бандытызму.
Прэзідэнт Дамініканскай Рэспублікі Луіс Абінадар абвясціў пра намер пабудаваць сцяну на мяжы з Гаіці, сёлета, каб перамагчы злачыннасць на мяжы паміж дзвюма краінамі. Пра гэта Абінадар заявіў у пасланні да Кангрэсу, піша газета Diario Libre 27 лютага, піша «Гордон».
Абінадар распавёў пра планы ў другой палове 2021 года ўзмацніць меры бяспекі на мяжы з суседняй дзяржавай Гаіці. Меры будуць ўключаць «фізічныя і тэхналагічныя сродкі», на найбольш канфліктных участках паставяць двайную агароджу, датчыкі руху, сістэмы распазнання асоб, радары і сістэмы інфрачырвонага выпраменьвання.
Са слоў Абінадара, на працягу двух гадоў Дамінікана пакладзе канец праблемам нелегальнай іміграцыі, гандлю наркотыкамі і крадзяжу аўтамабіляў і даможацца абароны тэрытарыяльнай цэласнасці. Дамініканскі лідар пацвердзіў, што яго краіна настроеная на «ўзаемавыгадныя дачыненні з Гаіці».
Заява Абінадара аб будаўніцтве агароджы прагучалі на фоне палітычнага крызісу ў Гаіці. У пачатку лютага ўлады краіны гаварылі пра папярэджанні падрыхтоўкі дзяржаўнага перавароту і замаху на прэзідэнта Рэспублікі Жавенэля Маіза. Паводле гэтых абвінавачванняў тады затрымалі больш за 20 чалавек, у тым ліку, суддзю Вярхоўнага суда і аднаго з галоўных паліцэйскіх Гаіці.
Лідар апазіцыйнай кааліцыі Андрэ Мішэль паабяцаў, што, калі прэзідэнт не сыдзе ў адстаўку, апазіцыя будзе праводзіць больш акцый пратэсту і грамадзянскага непадпарадкавання. Апазіцыйныя палітыкі разлічваюць на падтрымку мільёнаў беспрацоўных гаіцян (больш за 60% краіны жыве ва ўмовах беднасці), каб пачаць пратэсты, якія ў мінулым часта перарасталі ў гвалт і ахоплівалі значную частку краіны.
У Гаіці, акрамя беднасці, назіраецца высокі ўзровень бандытызму. Праваабаронца П'ер Эсперанс у каментары газеце The New York Times сказаў, што «рэжым дэлегаваў уладу бандытам». Гаіцяне падазраюць, што рост колькасці банд за апошнія два гады падтрымліваўся прэзідэнтам Маізам, каб здушыць любое іншадумства.
