14 красавiка 2021, Серада, 13:51
Сім сім, Хартыя 97!
Рубрыкі

У Сірыі паведамілі пра падзенне расейскага гелікоптара і гібель пілота

У Сірыі паведамілі пра падзенне расейскага гелікоптара і гібель пілота
ІЛЮСТРАЦЫЙНАЕ ФОТА

Мінабароны РФ заявіла, што экіпаж у парадку.

Сірыйскае інфармацыйнае агенцтва Sаna 28 лютага паведаміла, што пры крушэнні расейскага гелікоптара на паўночным усходзе Сірыі загінуў пілот і пацярпеў экіпаж.

Паводле інфармацыі агенцтва, інцыдэнт адбыўся паміж вёскамі Райханія і Аль-Касім на паўночным захадзе правінцыі Хасеке. Мадэль гелікоптара не назвалі.

Мінабароны Расеі ўслед за гэтым паведамленнем удакладніла, што расейскі гелікоптар Мі-35 здзейсніў вымушаную пасадку ў Сірыі з тэхнічных прычынаў. Экіпаж не пацярпеў, яго эвакуявалі, паведаміла агенцтва ТАСС.

Гелікоптар выконваў планавы палёт паветранага патрулявання тэрыторыі правінцыі Хасеке. Экіпаж аператыўна даставілі на аэрадром, гелікоптар не збівалі, адзначылі расейскія вайскоўцы. Жыццю лётчыкаў нічога не пагражае, дадалі ва ўстанове.

У правінцыі Хасеке звяно ў складзе транспартнага гелікоптара Мі-8АМТШ і баявога ўдарнага гелікоптара Мі-35 суправаджала з паветра калону цывільных аўтамабіляў, якія рухаюцца па стратэгічна важнай трасе М4. Гелікоптар Мі-8АМТШ рухаўся на адлегласці ад 5 да 10 км наперадзе калоны з групай агнявой падтрымкі на борце, ён праводзіў паветраную выведку на прадмет магчымага з'яўлення паблізу трасы баевікоў, піша ТАСС. Ударны Мі-35 прыкрываў калону з тылу, каб да яе не прыстроілася старонняя тэхніка.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».