«Жывы лёд» на М1: едзеш, а з сустрэчнай паласы ў цябе фургон ляціць

Пра сённяшні стан трасы М1.

Пра сённяшні стан трасы М1 (Берасце - Менск - мяжа Расеі) паведаміў чытач onliner.by. Дакладней, ён даслаў у чат-бот відэа, якое кажа само за сябе: едзеш, а з сустрэчнай паласы ў цябе фургон ляціць.

Інцыдэнт адбыўся на ўчастку трасы М1, пралягае недалёка ад горада Жодзіна. Наш чытач ехаў па крайняй левай паласе, але таму ёсць тлумачэнне.

- «Жывы лёд» на М1 у правай паласе. У левай хоць неяк можна ехаць, - распавёў аўтар відэа.

У сустрэчным напрамку ехаў фургон, і нешта ў кіроўцы пайшло не так.

Трэба аддаць належнае: чалавек за стырном да апошняга спрабаваў утрымаць аўтамабіль хоць бы на патрэбнай палове дарогі. Машына віляла, пакуль урэшце не апынулася на падзяляльнай паласе, падняўшы фантан снегу. Раздзяляльнай агароджы на гэтым участку трасы няма, ад сустрэчнага сутыкнення кіроўцаў збярог хіба што цуд.

- Фургон не перакуліўся, па рацыі была інфармацыя, што ўсё добра - пашанцавала, - адзначыў у размове з карэспандэнтам Onliner аўтар відэа.

Нягледзячы на тое, што траса выглядае пачышчанай, праезная частка, са слоў нашага чытача, вельмі слізкая.

- Фуры закачваюць ваду пасля солі, а трасу проста пасыпаюць, не прыбіраючы адталы снег. Ад мяжы РФ да гэтага месца ні адной «пасыпалкі» і не было, а гэта блізу 200 км ад мяжы да гэтага месца, - распавёў суразмоўца.