Медыкі назвалі харчы, якія дапамагаюць палепшыць функцыянаванне нырак

Людзям з праблемамі нырак лекары рэкамендуюць унікаць спажывання апрацаваных прадуктаў харчавання.

Здаровыя ныркі ўраўнаважваюць мінеральны баланс цела, перш за ўсё солі і калію. Дзякуючы іх функцыянаванню захоўваюцца карысныя пажыўныя рэчывы і выводзяцца з мачой адкіды, выпрацоўваюцца гармоны, якія ўплываюць на дзейнасць іншых органаў.

Гаворачы аб харчаванні, што дапамагае падтрымліваць здаровае функцыянаванне нырак, зніжае рызыку іх пашкоджанняў, спецыялісты расказалі, якія прадукты маюць быць у рацыёне - пра гэта паведамляе выданне Times Now (пераклад - healthinfo.ua).

Вада. Каморкі цела выкарыстоўваюць ваду для транспартавання таксінаў у крывацёк. Гэтая кроў праходзіць праз ныркі, а затым арганізм выкарыстоўвае ваду, каб адфільтраваць таксіны і стварыць мачу, якая выводзіць іх з арганізма. Вось чаму для добрай формы нырак важна спажываць досыць чыстай вільгаці, якая не змяшчае солі і цукру.

У той жа час спецыялісты адзначаюць, што «пры наяўных захворваннях нырак лекар павінен вызначаць, якую колькасць вады і бялкоў варта спажываць штодня».

Яблыкі. З'яўляюцца добрай крыніцай пекціну - распушчальнай абалоніны, якая дапамагае зніжаць узроўні халестэрыну і глюкозы, а таксама антыаксідантаў. Гэты плод вельмі карысны для нырак: ён дапамагае палепшыць функцыянаванне крывяноснай сістэмы і кровазабеспячэнне парнага органа.

Рыба. Тлустыя квасы амега-3 з'яўляюцца незаменнымі пажыўнымі рэчывамі, якія наш арганізм не можа выпрацоўваць сам. Халаднаводная тлустая рыба з'яўляецца іх выдатнай натуральнай крыніцай. Тлушчы амега-3 спрыяюць зніжэнню крывянога ціску, што зніжае рызыку пашкоджання нырак.

Журавіны. Ягады вядомая сваім ахоўным дзеяннем ад інфекцый мачавога пухіра, яе кампаненты прадухіляюць прыліпанне бактэрый да сценкі мачавога пухіра. Такім чынам журавіны паляпшаюць здароўе нырак.

Асцярожней з прадуктамі, якія змяшчаюць фосфар! Людзі з праблемамі нырак маюць кантраляваць змяшчэнне фосфару і калію ў харчах і есці іх менш. Да прадуктаў з нізкім змяшчэннем фосфару належаць свежыя садавіна і гародніна, хлеб, макаронныя вырабы, рыс, кукуруза. Высокім змяшчэнне м фосфару вылучаюцца мяса, птушка, аўсяныя шматкі, малочныя прадукты, бабы, кансэрвы, кола.