Зяленскі ўвёў у дзеянне пастанову РНБА Украіны аб санкцыях супраць дзясяці былых сілавікоў
6- 1.03.2021, 15:06
- 3,226
Сярод патрапілых пад санкцыі - экс-кіраўнік МУС Украіны Захарчанка.
Прэзідэнт Украіны Уладзімір Зяленскі ўвёў у дзеянне пастанову Рады нацыянальнай бяспекі і абароны Украіны аб санкцыях супраць дзясяці былых сілавікоў, сярод якіх экс-кіраўнік МУС Віталь Захарчанка, піша «Новы час».
Адпаведны ўказ быў апублікаваны на сайце кіраўніка дзяржавы ў панядзелак, 1 сакавіка.
Дакумент уваходзіць у дзеянне з дня яго апублікавання.
Кантроль над выкананнем пастановы ўскладаецца на сакратара РНБА Андрэя Данілава.
26 лютага РНБА ўвяла санкцыі супраць дзесяці людзей з вышэйшага афіцэрскага складу і пазбавіла іх званняў.
Са слоў Данілава, гэтыя дзесяць чалавек «здрадзілі нашай краіне». Пад санкцыі патрапіў экс-кіраўнік МУС Віталь Захарчанка і экс-кіраўнік СБУ Аляксандр Якіменка. Пад санкцыі падпадуць іх актывы, якія знаходзяцца на тэрыторыі Украіны.
Віталь Захарчанка падчас падзеяў Рэвалюцыі Годнасці загадаў выдаць баявую зброю праваахоўнікам і дазволіў яе ўжываць, але пазней адхрысціўся ад дзеянняў «Беркута». Паводле звестак следства, ён асабіста кіраваў «цітушкамі», якія атакавалі актывістаў Еўрамайдана.