«Беларусбанк» уводзіць ліміты ў некаторых аперацыях з карткамі

Пры чым тут ашуканцы.

З 1 сакавіка «Беларусбанк» уводзіць абмежаванне ў суме 3000 рублёў на дзень на правядзенне некаторых аперацый з дапамогай рэквізітаў банкаўскіх карт. Прычына - «мінімізацыя выпадкаў крадзяжу грашовых сродкаў з рахункаў кліентаў шляхам атрымання ашуканцамі ад кліентаў інфармацыі для ўваходу ў сістэмы дыстанцыйнага банкаўскага абслугоўвання і правядзення аперацый», піша tut.by.

Абмежаванне можна скасаваць званком у кантакт-цэнтр або на падставе пісьмовай заявы, удакладняюць у «Беларусбанку». Аднак для абароны кліентаў такога захаду відавочна недастаткова: у махляроў усё адно ёсць магчымасць «адвесці» да 3000 рублёў за дзень з рахунку. Нагадаем, «Беларусбанк» уваходзіць у лік тых банкаў, кліентам якіх часцей за ўсё тэлефануюць ашуканцы.

Абмежаванне на 3000 рублёў на дзень распаўсюджваецца на наступныя тыпы аперацый:

- адпраўка грашовых пераводаў (за выключэннем пераводаў паміж карткамі банка аднаго кліента і на карткі банка «ўлюбёных» асабістых нумароў);

- аплата ў банкаўскіх, фінансавых, тэлекамунікацыйных, кампутарных, - інфармацыйных сэрвісах з МСС-кодамі 4812 (тэлекамунікацыйнае абсталяванне, уключна з продажам тэлефонаў), 4813 (гандлёвыя пункты тэлекам клавішнага ўводу, якія прапануюць адзінкавыя лакальныя і далёкія тэлефонныя званкі, выкарыстоўваючы цэнтральны нумар доступу без размовы з аператарам і выкарыстоўваючы код доступу), 4814 (тэлекамунікацыйныя паслугі), 4816 (кампутарныя сеткі, інфармацыйныя паслугі), 4829 (грашовыя пераводы), 4899 (кабельныя і іншыя платныя тэлевізійныя паслугі), 4900 (жыллёва-камунальныя паслугі), 6012 (фінансавыя ўстановы - гандаль і паслугі), 6050 (грашовыя пераводы, дарожныя чэкі), 6051 (нефінансавыя ўстановы - квазі-кэш), 6211 (каштоўныя паперы - брокеры/дылеры), 6540 (транзакцыі ў фінансаванні POI, выключаючы аперацыі адкрыцця/папаўнення онлайн-дэпазітаў банка і куплі аблігацый).

У банку звяртаюць увагу на тое, што гэта норма можа быць скасаваная. Для гэтага кліенту трэба альбо патэлефанаваць у кантакт-цэнтр, альбо аформіць пісьмовую заяву ў адным з аддзяленняў банка.

- Памятаеце, што трэція асобы ні ў якім разе не павінны ведаць рэквізіты вашай банкаўскай аплатнай карты. Нельга выдаваць коды доступу, сеансавыя ключы і іншую інфармацыю з SMS-паведамленняў, дасланых банкам пры ажыццяўленні аплаты, пераводаў і іншых аперацый. Будзьце пільныя, - нагадваюць у «Беларусбанку».