У СБУ перадалі спіс беларускіх чыноўнікаў, якім прапануюць абмежаваць уезд ва Украіну
2- 1.03.2021, 20:24
- 3,682
Спіс перадаў Беларускі фонд спартыўнай салідарнасці.
Беларускі фонд спартыўнай салідарнасці падаў у Службу бяспекі Украіны спіс чыноўнікаў, якім прапануюць абмежаваць уезд ва Украіну. Пра гэта фонд паведаміў 1 сакавіка на сваёй старонцы ў Facebook.
У пераліку - міністр спорту і турызму Беларусі Сяргей Кавальчук, яго намеснікі Міхаіл Кравец, Аляксандр Барауля, Вячаслаў Дурноў і іншыя чыноўнікі.
«Фонд спартыўнай салідарнасці ласкава просіць Вярхоўную Раду Украіны, Кабінет Міністраў Украіны, Службу бяспекі Украіны падтрымаць прыкладзены спіс і падаць яго ў Савет нацыянальнай бяспекі і абароны Украіны, каб уключыць названых беларускіх службовых асоб у сферы спорту ў санкцыйныя спісы адносна суб'ектаў рэжыму Беларусі за падрыў дэмакратыі», - адзначылі ў паведамленні.
Аўтары звароту адзначылі, што могуць падаць матэрыялы і доказы ў дачыненні да чыноўнікаў, адказных «за сур'ёзныя парушэнні правоў чалавека».