У Менску затрыманы лідар АГП Мікалай Казлоў

Яго адправілі на 15 дзён на Акрэсціна.

Лідара Аб'яднанай грамадзянскай партыі Мікалая Казлова на 15 дзён адправілі на Акрэсціна.

Раней апазіцыйнаму палітыку прысудзілі адміністрацыйны арышт за «непадпарадкаванне» - ён адмовіўся даваць падпіску пра неразгалошванне паводле «справы Каардынацыйнай рады».

1 сакавіка Казлова выклікалі ў Партызанскі РУУС, адкуль і адправілі адбываць тэрмін.

У сераду лідара АГП чакае новы суд.