Ультыматум БМЗ: у завода могуць пачацца сур'ёзныя праблемы з ключавымі партнёрамі

Найбуйнейшая прафзвязная арганізацыя свету гатовая пачаць сур'ёзную кампанію супраць адміністрацыі прадпрыемства.

Міжнародны прафзвязу IndustriALL заступіўся за правы звольненых работнікаў БМЗ і запатрабаваў аднавіць іх. Арыгінал ліста апублікаваў тэлеграм-канал «Сумленныя людзі».

Аўтарытэтная міжнародная арганізацыя намагае на тым, што людзі былі звольненыя незаконна.

У выпадку, калі кіраўніцтва БМЗ адмовіцца выканаць патрабаванні IndustriALL, прафзвяз мае намер звярнуцца да ключавых партнёраў завода, якія звязаны з прафзвязам глабальнымі пагадненнямі. Гэта можа адбіцца на ланцужках паставак БМЗ.

- Спадзяёмся, нам не давядзецца звязвацца з некаторымі з вашых асноўных кліентаў, з якімі мы шчыльна супрацоўнічаем у рамках глабальнага пагаднення (GFAs), каб у іх ланцужках паставак выконваліся правы працоўных, - гаворыцца ў тэксце ліста.

IndustriALL - найбуйнейшая прафзвязная арганізацыя, якая прадстаўляе 50 мільёнаў рабочых з 140 краін. Яны асудзілі парушэнне правоў чалавека на БМЗ, звальненне і пераслед Ігара Паварава, Аляксандра Баброва і Яўгенія Говара.

Тым часам, на БМЗ працягваюць звальняць працоўных за грамадзянскую пазіцыю. Цяпер вядома амаль пра 30 металургаў, звольненых рознымі спосабамі за нязгоду з дзейным рэжымам.

Цікава, што на афіцыйным сайце самога заводу не з'явіўся зварот IndustriALL. Затое ў апошняй інфармацыі, размешчанай там, распавядаецца пра цырымонію ўзнагароджання найлепшых работнікаў і падраздзяленняў. Пры гэтым сталядротавы цэх №2 атрымаў узнагароду не за сваю прадукцыю, а «за найлепшую арганізацыю інфармацыйна-ідэалагічнай працы».