Амбасада Украіны пацвяліла расейскіх дыпламатаў за фота з Крыма
2- 2.03.2021, 16:27
- 7,302
Фотафакт.
Пасольства Украіны ў Вялікай Брытаніі пацвяліла расейскую амбасаду ў Злучаным Каралеўстве за публікацыю фота з тэрыторыі часова акупаванага Крыма.
Пра гэта паведамляе «Еўрапейская праўда».
2 сакавіка ў Twitter-акаўнце амбасады Расеі ў Вялікай Брытаніі было апублікаванае фота цытадэлі Ені-Кале. У подпісе адзначалася, што яна размешчаная ў «Крыме, Расея».
«Як наконт таго, каб публікаваць фатаграфіі вашай тэрыторыі? Мы чулі, што яна найбуйнейшая ў свеце. Ці вы перавезлі ўсіх вашых добрых фатографаў у акупаваны Крым? Крым - гэта Украіна», - адказала на публікацыю расейскіх дыпламатаў пасольства Украіны.
How about posting pictures from your own land? We hear it is the world’s largest. Or have you moved all your good photographers to the #occupied #Crimea?#CrimeaIsUkraine https://t.co/d5JQy1TLaz
— Ukraine's Emb. to UK (@UkrEmbLondon) March 2, 2021
Нагадаем, амбасадарка Вялікай Брытаніі ў Кіеве Мелінда Сіманс раней запэўніла, што яе краіна пасля выхаду з ЕЗ несумненна захавае санкцыі супраць Расеі, якія дзейнічалі дагэтуль.
