«Усім заўзятарам трэба аб'ядноўвацца, мы не можам застацца ўбаку»

Фанаты «Іслачы» далучыліся да агульнанацыянальнай кампаніі байкоту.

Фанаты «Іслачы» заявілі, што ўсё ж будуць байкатаваць матчы каманды ў сезоне.

Першапачаткова актыўны фан-сектар «ваўкоў» заявіў, што мае намер у кожным матчы каманды двойчы па хвіліне крычаць фразу Freedom Belarus.

«Пастанова была трохі неабдуманая. Разам мы надумалі памяняць сваю пазіцыю і далучыцца да ўсіх фан-клубаў - байкатаваць чэмпіянат Беларусі ў сувязі з тым, што адбываецца ў нас у краіне. Усім заўзятарам трэба аб'ядноўвацца. Мы не можам застацца ўбаку», - сказаў кіраўнік фан-клуба «Іслачы» на Youtube-канале «ЧестнОК».

Раней аб байкатаванні матчаў каманды паведамілі фанаты футбольных клубаў: вышэйшай лігі - БАТЭ, «Слуцка», берасцейскага «Дынама», «Нёмана», «Шахцёра», «Віцебску», «Тарпеда-БелАЗа», «Мінска», «Смаргоні»; першай лігі - «Маладзечна», «Дняпра», «Граніту»; менскага «Тарпеда», хакейнага менскага «Дынама», валейбольнага «Заходняга Буга».