Навукоўцы: Вакцыны Pfizer і AstraZeneca высокаэфектыўныя для пажылых людзей

Для папярэджання шпіталізацыі людзей старэйшых за 80 гадоў дастаткова аднаго ўкола.

Вакцыны супраць каранавіруса Pfizer-BioNTech і Oxford-AstraZeneca з'яўляюцца высокаэфектыўнымі ў прадухіленні шпіталізацыі людзей больш за 80 гадоў. Для дасягнення выніку дастаткова аднаго ўколу.

Пра гэта паведамілі навукоўцы з Брыстоля (Англія) са спасылкай на сваё даследаванне, паведамляе РБК са спасылкай на Sky News.

Даследнікі з Брыстоля выявілі, што праз 14 дзён пасля ўвядзення адной дозы вакцыны Pfizer яна на 79,3% была эфектыўная ў прадухіленні развіцця сімптомаў у людзей з гэтай узроставай групы.

Укол COVID-вакцыны AstraZeneca паказаў эфектыўнасць 80,4%.

Даследаванне супадае са справаздачамі органаў аховы здароўя Шатландыі і Англіі, апублікаванымі ў лютым і ў панядзелак адпаведна.

Адам Фін, прафесар педыятрыі ва Універсітэце Брыстоля, сказаў, што яго каманда ўжыла іншы падыход, прымаючы пад увагу меншую геаграфічную тэрыторыю і разглядаючы пацыентаў значна больш падрабязна.

Даследнікі разгледзелі 446 вакцынаваных пацыентаў старэйшых за 80 гадоў, якія трапілі ў дзве бальніцы Брыстоля ў студзені з захворваннямі ніжніх дыхальных шляхоў.

Яны вывучалі кожнага пацыента з моманту з'яўлення сімптомаў, а не толькі з моманту паступлення іх у бальніцу, і замест таго, каб спадзявацца на вялікія базы звестак, яны старанна вывучалі ўсе аспекты гісторыі хваробы кожнага пацыента.

«Мы выяўляем падобныя вынікі, але выкарыстоўваем прынцыпова розныя падыходы, таму гэта забяспечвае ўпэўненасць у выніках агулам. Іх (урадавыя - рэд.) вынікі пацвярджаюць нашы, а нашы пацвярджаюць іх. Усё больш істотныя доказы таго, што адна доза любой вакцыны мае высокую абарону ад шпіталізацыі і сур'ёзных захворванняў», - сказаў Фін.

Даследаванне англійскага ведамства аховы здароўя, апублікаванае ў панядзелак, паказала, што адна доза любой вакцыны прыкладна на 80% прадухіляе шпіталізацыю людзей ва ўзросце старэй за 70 гадоў - праз тры-чатыры тыдні пасля адной дозы. Даследчыкі ў Шатландыі выявілі, што праз чатыры тыдні пасля першай дозы любой вакцыны яны на 81% больш эфектыўна прадухілялі шпіталізацыю людзей старэйшых за 80-х гадоў.