SpaceX праводзіць чарговыя выпрабаванні карабля Starships
- 3.03.2021, 21:26
- 1,824
Верагоднасць таго, што выпрабаванні прататыпа пройдуць паспяхова складае 60%.
Амерыканская прыватная касмічная кампанія SpaceX рыхтуе запуск дзясятага прататыпа міжпланетнага шматразовага карабля Starship. Верагоднасць таго, што выпрабаванні прататыпа пройдуць паспяхова складае 60%.
Пра гэта паведаміў кіраўнік кампаніі Ілан Маск ў Twitter.
Starship SN10 усталяваны на ўласным пускавым комплексе кампаніі ля горадка Бока Чыка ў штаце Тэхас.
Прататып карабля адправіцца ў палёт з пляцоўкі SpaceX. Яна знаходзіцца ў штаце Тэхас у акрузе Кэмерон. У касмічнай карпарацыі паабяцалі, што трансляцыя будзе даступная за некалькі хвілін да пуску.
Карабель Starship прызначаны для палётаў на Марс і Месяц. Ён разлічаны на 100 астранаўтаў.