16 красавiка 2021, Пятніца, 10:38
Сім сім, Хартыя 97!
Рубрыкі

«Хачу ўзначаліць камісію люстрацыі»

23
«Хачу ўзначаліць камісію люстрацыі»

Неўзабаве будуць судзіць тых, хто цяпер выносіць незаконныя прысуды беларусам.

Днямі лукашысцкі суд вынес прысуд паводле справы Кацярыны Барысевіч і Арцёма Сарокіна - журналісткі і лекара, якія апынуліся за кратамі, бо наважыліся паказаць праўду. Кацярыне далі шэсць месяцаў пазбаўлення волі і штраф на 100 базавых адзінак, Арцёму - два гады пазбаўлення волі з адтэрміноўкай на год, піша kyky.org.

Што трэба ведаць пра справу «0 праміле»

Кацярыну Барысевіч і Арцёма Сарокіна затрымалі 19 лістапада. Тым жа днём абодвух абвінавацілі ў «выдаванні медычнай таямніцы». Падставай для абвінавачвання паслужыў артыкул Кацярыны, у якой, са спасылкай на Сарокіна і медыцынскія дакументы, гаварылася, што ў крыві забітага Рамана Бандарэнкі не было алкаголю - гэта версія разыходзіцца з версіяй СК і Лукашэнкі. Пры гэтым родныя Рамана да журналісткі і лекара прэтэнзій не маюць.

З тых часоў, ужо 102 дні, лекар і журналіст знаходзяцца ў СІЗА на Валадарскага. Міжнародная праваабарончая арганізацыя Amnesty International прызнала Кацярыну Барысевіч і Арцёма Сарокіна вязнямі сумлення.

Суд паводле справы Барысевіч і Сарокіна пачаўся 19 лютага: пракурорка - Людміла Іваненка, суддзя - Святлана Бандарэнка. Каб падтрымаць лекара і журналістку, у будынак суда прыйшло блізу сотні чалавек. У тым ліку, амбасадар Францыі, дыпламаты пасольстваў Літвы, ЗША, Нямеччыны, а таксама Прадстаўніцтва ЕЗ у Менску.

Паколькі да таго моманту ўсё ж завялі крымінальную справу паводле факту смерці Рамана Бандарэнкі, на просьбу пракурора суд над Барысевіч і Сарокіным зрабілі закрытым. Сведкамі ў справе ў той дзень была мама Рамана Бандарэнкі і два лекары БХМД. Пра што яны казалі - невядома.

ФОТА: TUT.BY

У другі дзень пасяджэння, 22 лютага ў якасці сведак таксама выступілі лекары БСМП, чые імёны былі пазначаныя ў гісторыі хваробы Рамана Бандарэнкі.

23 лютага - на трэці дзень працэсу - на суд была выкліканая Вольга Кучарэнка, стрыечная сястра Рамана. Перад тым як даць падпіску пра невыдаванне, яна распавяла, што ўвесь час, пакуль Раман знаходзіўся ў шпіталі, сям'я публічна распавядала пра ягоны стан. Алена Бандарэнка дала дазвол распаўсюджваць гэтыя звесткі. Са слоў Вольгі, перад тым як апублікаваць артыкул аб «0 праміле», Кацярына Барысевіч звязвалася з ёй: «Яна атрымала ад мяне афіцыйны дазвол публікаваць гэтую інфармацыю. Цётка неаднаразова паўтарала, што не збіраецца трымаць гэта ў таямніцы».

24 лютага ў зале пасяджэння не было сведак. 25 лютага, на пяты дзень працэсу, таксама сведкаў не дапытвалі.

Суд над Кацярынай Барысевіч і Арцёмам Сарокіным прадоўжыўся 2 сакавіка. Пасяджэнне падоўжылася прыкладна дзесяць хвілін, пасля сказалі, што неўзабаве будзе абвешчаны прысуд. Які тэрмін для журналіста і лекара запытваў пракурор, невядома. Мінімальнае пакаранне, якое пагражала паводле артыкула, - шэсць месяцаў пазбаўлення волі, максімальнае - тры гады калоніі.

Суддзя пастанавіла так: журналістцы Кацярыне Барысевіч далі шэсць месяцаў пазбаўлення волі і штраф 100 базавых адзінак. Лекару БСМП Арцёму Сарокіну - два гады пазбаўлення волі з адтэрміноўкай на год і штраф 50 базавых адзінак.

Арцёма выпусцілі на волю з-за залы суду пад падпіску аб нявыездзе.

Са слоў адвакатаў Кацярыны, з улікам таго часу, якое іх падабаронная ўжо правяла ў ізалятары, на волю яна выйдзе крыху больш чым праз два месяцы.

Як на незаконны прысуд рэагуюць сацсеткі

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».