Ва Украіну пераехала блізу 40 беларускіх ІТ-кампаній

Пра гэта заявіў міністр лічбавай трансфармацыі Украіны.

Ва Украіну пераехала блізу 40 беларускіх кампаній, у якіх працуе блізу 2 тысяч супрацоўнікаў. Пра гэта віцэ-прэм'ер-міністр - міністр лічбавай трансфармацыі Украіны Міхаіл Фёдараў заявіў у інтэрв'ю «Интерфакс-Украина», апублікаваным 4 сакавіка.

«Каб прыцягваць у дзясяткі разоў больш айцішнікаў, нам трэба запусціць праект «Дія. City», які стварае найлепшыя ўмовы для вядзення IT-бізнэсу. Ён легалізуе сістэму з пяціпрацэнтны падаткам, з падаткам на выведзены капітал, з камфортнымі, празрыстымі ўмовамі працы, з адсутнасцю савецкага Працоўнага кодэкса», - сказаў Фёдараў.

Ён уважае, што корань праблемы ляжыць у падатковай сістэме.

«Чаму ў Беларусі праект па IT-тэхналогіях так узляцеў? Таму што там была максімальная лібералізацыя падатковых стасункаў, тое самае было з Крамянёвай далінай, гэта ж зараз у Дубаі. Нам трэба ў корані змяняць нашу падатковую сістэму, каб станавіцца прывабнымі», - адзначыў міністр.

Беларускія IT-кампаніі, якія падпалі пад пераслед з боку ўладаў Беларусі, у 2020 годзе пачалі перавозіць свае офісы ва Украіну. Міністэрства лічбавай трансфармацыі Украіны стварыла праект IT Relocate для тых, хто хоча пераехаць.