Экспэрты: Найбліжэйшыя дні валюта ў Беларусі будзе моцна даражэць

У чым прычына?

Курсы валют - штука капрызная. Крыху што не так, рвуцца ўверх, і нічога не зрабіць. Вонкава гэта падобна да паводзін чароды галубоў, якую спудзіў рэзкі гук. І хоць вонкавых прычын для падаражання даляра і еўра сёння не так шмат, з'явілася ўнутраная. І яна вельмі небяспечная для стабільнасці курсаў, піша infobank.by.

Спачатку нагадаем пра жорсткую прывязанасць беларускага рубля да расійскага, а потым паглядзім, што ў гэты момант адбываецца з «расейцам».

Рэч у тым, што санкцыйная палітыка і падзенне коштаў нафты расейскаму рублю сёння не страшныя. Санкцыі былі «цацачнымі», а нафта працягвае даражэць. З іншага боку, інвестары праяўляюць пэўную нервовасць ў стаўленні да рызыковых актываў.

Дарэчы, многія заходнія і расейскія аналітыкі чакаюць падзення на сусветным рынку. Паводле ўзору 2008 года. Таму ашчадак лепш за ўсё захоўваць у далярах.

Прыкладна гэтак жа думае і расейскі Мінфін, які ў рамках так званага бюджэтнага правіла сабраўся купіць на ўнутраным расейскім рынку гіганцкую суму валюты. Такі «ўкід» рублёвай масы лёгка прывядзе да скокаў даляра ўверх. Што мы і назіраем 4 сакавіка 2021.

У сакавіку расейскі Мінфін купіць утрая больш валюты, чым у лютым

Дзякуючы гэтай навіне, на Маскоўскай біржы 4 сакавіка курс даляра вырас на 26,77 капейкі, да 73,7864 RUB.

Вынікі таргоў на Беларускай валютна-фондавай біржы 4 сакавіка 2021 года выглядаюць наступным чынам:

курс даляра падрос на 0,0007 (+ 0,03%), да 2,6080 беларускага рубля

курс еўра пайшоў уніз на 0,0112 (-0,36%), да 3,1417 беларускага рубля

расейскі рубель стаў таннейшы на 0,0114 (-0,32%). У выніку, за расейскую валюту даюць 3,5339 беларускага рубля, за сотню.