Якім будзе надвор'е ў доўгія выходныя

Чакаюцца начныя маразы.

Сёння халоднае паветра камандавала надвор'ем па ўсёй Беларусі, такая сітуацыя захаваецца і ў найбліжэйшыя дні. Мокры снег, завеі, галалёд і начныя маразы чакаюць нас у гэтыя выходныя. Пра гэта tut.by паведамілі ў Белгідрамеце Мінпрыроды.

6 сакавіка, у суботу, гаспадаром надвор'я застанецца халодная паветраная маса. Чакаецца пераменная воблачнасць. Уначы і раніцай месцамі, удзень у асобных раёнах на паўднёвым усходзе пройдзе невялікі кароткачасовы снег, мокры снег. На асобных участках дарог галалёдзіца. Вецер паўночна-заходні, заходні ўмераны, удзень па поўначы парывісты. Тэмпература паветра мінімальная ўначы -4... 10°C, на паўночным усходзе да -12°C; максімальная удзень -2... +3°C.

7 сакавіка, у нядзелю, Беларусь будзе пад уплывам атмасферных франтоў ад атлантычнага цыклону, што перамяшчаецца з поўначы Скандынаўскага паўвострава на Валагодскую вобласць Расеі. Беларусь пры гэтым будзе ў яго ветранай частцы. У многіх раёнах краіны чакаецца моцны парывісты вецер заходняга напрамку. Уначы месцамі, раніцай і ўдзень на большай частцы тэрыторыі пройдзе кароткачасовы снег, мокры снег, месцамі мяцеліца. На асобных участках дарог галалёд. Тэмпература паветра ўначы 0... -6°C, удзень -1... +4°C.

У панядзелак, 8 сакавіка, уначы на большай частцы тэрыторыі, днём месцамі па краіне пройдзе кароткачасовы снег. На асобных участках дарог галалёдзіца. Вецер паўночна-заходні ўмераны. Тэмпература паветра ўначы -3 ... 10°C, удзень ад -6 на поўначы да +3 на паўднёвым захадзе краіны.

На пачатку наступнага працоўнага тыдня захаваецца зімовы характар надвор'я з перавагай паніжанага тэмпературнага рэжыму.