Экс-следчы: Частка сілавікоў не жадае пэцкацца і зацікаўленая ў змене сітуацыі
16- 5.03.2021, 15:04
- 6,812
Найбольш адыёзным карнікам паказваюць, што ім давядзецца адказваць за свае словы.
Учора BYPOL апублікаваў пажаданне сілавікам ад чалавека з голасам, падобным на голас экс-міністра ўнутраных спраў Юрыя Караева.
У звароце беларусаў называюць «тупаватым і недалёкім народам», «тлустымі абывацелямі». У звароце да сілавікоў ён заклікае ісці і прыбіраць «гэтую пачвару».
Сайт «БП» папрасіў былога следчага пракуратуры і кіраўніка праваабарончай арганізацыі «Прававая дапамога насельніцтву» Алега Волчака пракаментаваць зліў выступу Караева:
- Хутчэй за ўсё, гэта не ўнутраны зліў, а канкурэнтнай беларускай спецслужбы. Зліў зроблены адмыслова ў дзень міліцыі, каб паказаць, што пішуцца ўсе размовы не толькі сярэдняга і начальніцкага звяна, але і саміх міністраў.
Нейкія сілы паказваюць, што ўсім давядзецца адказваць за свае словы. У гэтым запісе чутныя пагрозы на адрас народа. Думаю, частка сілавікоў, якія працуюць у гэтай сістэме, таксама зацікаўленыя ў змене сітуацыі.
За мінулыя паўгода ў сем'ях сілавікоў паўсталі сур'ёзныя праблемы, частка сілавікоў, якія не заплямілі сябе ў рэпрэсіях, хочуць вярнуцца ў нармальнае прававое поле, - мяркуе кіраўнік праваабарончай арганізацыі «Прававая дапамога насельніцтву» Алег Волчак.